Рет қаралды 380,101
Түркістан облысы Сайрам ауданында көлік жуу орнында кісі қолынан мерт болған Айбек Бекасылдың туыстары әділдік іздейді. Марқұмның жақындары 24 жастағы Айбекті күдіктілер асқан жауыздықпен өлтірді деп отыр. Азапты өлімге екі азаматтың күші жеткенімен, оның ізін жасыруға ақылы жетпейді деген туыстары бұл оқиғада өзге де лауазымды тұлғалар болуы мүмкін екенін айтады.
Жалғыз ұлынан қалған немересін қолына алған сайын, Ғалия Жаңабаеваның көкірегі қайғыдан қарс айырылады. Келіншек ұлынан қапияда айырылып қалғанын айтады. Тамыздың 17-сі ұлы Айбек Бекасыл қас қарая жөндеуге қойған көлігін көріп қайтпақ болған. Әрі қолына 150 мың теңге ақшасын ала шығыпты. Алайда сол күйі үйге оралмаған. Туыстары шарқ ұрып, денесін тек екі күннен соң Түлкібас ауданынан тауыпты. Ал, сараптама марқұмның өлім себебіне мидай мақсары егілген далада өз қанына өзі тұншыққан деген қорытынды беріпті. Бірақ бұған анасы сенбейді.
ҒАЛИЯ ЖАҢАБЕВА, марқұмның анасы:
- Түлкібас ауданында біздің ешқандай танысымыз жоқ, мысалы туысқанына кетті, сол жақты мерт болды дейтін. Оның бәрі сол ұйымдастырылған тірлік.
Марқұмның туыстарының айтуынша, 17-ші тамыз күні Айбек Бекасыл мына көлік жуу орнындағы танысына келген. Бірақ соңы төбелеспен жалғасыпты. Болған жәйт осындағы бейнебақылау камерасына жазылып қалған. Бірақ, қаралы отбасы жазба түгел емес, қылмысты жасыру үшін әдейі кесілген деп санайды.
НҰРЛАН АБАНОВ, марқұмның атасы:
- Ұрып өлтірген, сөйтіп автомойканың несімен үстіндегі қандарын жуған. Қайтып киіндірген оны. Сөйтіп, жолдас баласын шақырып, машинасына артып, Түлкібас ауданына тартқан. Бұған совет берген адам бар.
Көлік жуу орнында жанжалдың неден шыққаны белгісіз. Марқұмның туыстары түлкібастық полицейлерге сенімсіздік білдірген соң, іс қазір Сайрам ауданыныда тергелуде. Күдікті екеу қамауға алынып, іске қатысты жүргізуші де сұралып жатыр екен.
САЛТАНАТ ҚАРАКӨЗОВА, Түркістан облысы ПД баспасөз қызметінің жетекшісі:
- Аталған жәйт ҚР ҚК 99 бабы, 2 бөлігімен Түлкібас аудандық полиция бөлімімен қайта сараланып, тергеу реттілігі бойынша қылмыстық іс Сайрам ауданына жолданған. 30-шы тамызда Сайрам ауданындық сотымен күтікті екеу қамауға алынып, қазіргі таңда сотқа дейінгі тергеу амалдары жалғасып жатыр.
Қара жамылған отбасы қылмыстық іске қатысы бар тұлғалар көп деп отыр. Сол себепті осы іске қатыстылардың бәрі бірдей тиісті жазасын алса дейді.
Мақсат Жақсыбайұлы
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#қылмыс #жауыздық #жұмбақ_өлім