Қызылорда облысының Жаңақорған ауданындағы мектептің бір топ мұғалімі басшыларына қарсы шықты. Айтуларынша, директордың орынбасары қызметін атқаратын Шәркүл Сәрсенова ұстаздарға оқушылардың көзінше дөрекі сөйлеп, қоқан-лоқы көрсетеді. Бұл аздай, бізге түрлі себепті сылтау етіп ақша жинатады дейді. Ал бұл мәселеге байланысты жанайқайымызды білім басқармасына бірнеше рет жеткіздік. Бірақ, еш нәтиже болмады деп отыр. Шыдамдары таусылған мұғалімдер ақыры құзырлы органдарға жүгінген. Әріптесім Абай Нұржанұлы тараптарды тыңдап келген еді.
Жаңақорған ауданындағы №110 мектептің мұғалімдері жазғы демалысқа шығудың орнына құзырлы органдарға арыз арқалап табандарынан тозып жүр. Айтуларынша, бұған ең әуелі директор орынбасары Шәркүл Сәрсенованың ұстаздардан жиі ақша талап етуі себеп болған. Мәселен, оқу жылының басында сағаттық жүктемелерін көбейту үшін орынбасардың қалтасын қампайтуға мәжбүр боламыз дейді. Тіпті жақында география пәнінің 5 мұғаліміне төленіп келген қосымша жалақыны да өзіне қайтарып беруді сұрады деп отыр.
АЙДАНА ТӨЛЕГЕНОВА, география пәнінің мұғалімі:
-Тетрадьтің ақшасын біз қайтаруымыз керек. Осындай бап бойынша бізге төленбейді екен ол ақша. Мен қателікпен жазып қойыппын, ақшаны біз қайтаруымыз керек дейді. Ақшаны қолма-қол немесе голдқа аударасыңдар дейді. Неге сүйеніп қайтаруымыз керек? Ешқандай бұйрық жоқ.
НҰРЗАДА МӘТІШЕВА, орыс тілі пәнінің мұғалімі:
- Айтпаған сөзі қалмады. Жерден алып, жерге салды. Былайша айтқанда, күйеуімізден олай қорықпаймыз. Мектепке кіріп жатқанда кәлимамызды айтып кіреміз. Қорқам. Қатты қорқам.
Үрейі ұшқан ұстаздар оқу ісі жөніндегі орынбасардың қысымынан шаршадық деп ашулы. Өйткені, ол бүтін ұжымды ашса алақанында, жұмса жұдырығында ұстайды дейді. Ал Шәркүл Сәрсенованың өзі бір топ ұстаздың шағымымен мүлде келіспейді. Ол қол астымдағы қызметкерлерге тек жұмыс бабымен ғана ескерту айтамын дейді. Әрі, олардан негізсіз ақша алған кезім болмаған деп отыр.
ШӘРКҮЛ СӘРСЕНОВА, №110 Орта мектеп директорының орынбасары:
- Сағатты мен бөлмеймін. Оны бірлестік жетекшілері бөледі. Сағатты бөліп, бірлестік жетекшілері барлығы қол қойып бергеннен кейін маған әкеліп береді. Мен оны сабақ кестесіне қоямын. Ал анау айтып отырған сомаңызбен мен келіспеймін.
Ал білім бөлімінің басшылары бұл мәселеден бұрыннан хабардар екен. Десе де, ұстаздардың шағымына енді ғана назар аударып жатыр.
НҰРЛАН ДӘУЛЕТӘЛИЕВ, Жаңақорған аудандық білім бөлімі басшысының міндетін атқарушы:
- Мен қазір ұжыммен кездесемін. Сөйлесем. Не мәселе болып жатыр. Сол жерде педагогикалық әдеп кеңесі бар, егер айтқан сөздер расталатын болса, бұл кісінің тиісті шарасы көрілетін болады.
Ал шағымданған ұстаздар оқу ісі жөніндегі орынбасардың орнын босатқанын талап етіп отыр. Сондықтан олар соңғы үмітіміз құзырлы органдарда дейді.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал