Рет қаралды 13,243
Каспий теңізінде қайраңдап қалған Ресей кемесінің иелері іздестіріліп жатыр.
Былтыр көрші елдің мұнай таситын танкері Маңғыстау облысында жағалауға келіп, қаңтарылып қалған еді. Содан бері улы затқа толы алып кеменің иелері су көлігін құтқаруға құлық танытпаған. Сондықтан да теңіз бен экологияға төнген қауіптің алдын алуға амалсыздан Маңғыстау билігі кірісті. Кемеге жауапты компания басшыларын Қазақстанмен қатар Ресейдің құзырлы органдары да сотқа берді. Олардың жауапсыздығынан бір жарым ай кемеде жалғыз қалған механик өзіне қол жұмсаған.