เพลงกวางตุ้ง (Cantopop) “(同命鴛鴦)”
粵曲《同命鴛鴦》
Ms. Leung Mo Sheung (梁無相) cross-dressed as a poverty-stricken patient, business failure merchant.
Ms. Lui Hung (呂紅) as a street prostitute (流鶯).
Chinese lyrics:
首段（first verse, side A of disc One）：
（小生唱乙反線長句二簧）我淚落紛紛，心如刀刃，此時此地呀，不敢怨天尤人，祇怨命蹇時歪，不望他人憐憫，正是引刀成一快啦，不願作末世癡人，唉，我長喊一聲呢，且向那江頭，行近。
（小生白）死咗佢罷啦。
（花旦白）且慢。
（花旦唱連環西皮）休傷心；休傷心，您究竟因何？要死於地門，要求一命殞。
（小生唱沉腔滾花）哎吔吔，我覺得「做鬼好過做人」啊。
（花旦數白欖）我問先生；我問先生，您因何一旦便輕生？縱有不料嘅事情，何必自殺咁愚笨呢，況且古語都有話：「 螻蟻都尚且貪生」啊嘛。
（小生唱霸腔滾花下句）姑娘，妳都無庸再勸啦，我已是決死之身。因為我萬念俱灰，請妳都無須細問；
（花旦唱長句二簧）我叫句先生，因何得咁笨？您自尋短志，是否傷沉，抑或失意情場，所以殉情命殞，
貳段（second verse, side B of disc One）：
（花旦唱二簧下句）可嘆茫茫大海，不知渡盡幾許，蠢人。
（花旦唱減字芙蓉）您咪話一死是聰明，請您死遲一陣呀；
（花旦攝白）喂，您因咩事要死呀？
（小生唱減字芙蓉）我但求早死呢，反覺安心呀。
（小生攝白）咁唔通我想死都唔得嘅咩？
（小生唱減字芙蓉）請妳無謂阻攔，我死而無憾呀；
（花旦唱木魚）喂，您須知個「死」字噃，係有「輕」、「重」之分，有啲死後留芳百世，所謂「殺身成仁」，最冇價值就係為情，與及為着窮困，咪過見人去死，您又話死，究竟為乜原因？
（小生唱木魚）正係憂患重重， 提起我就滿懷悲憤呀。
（花旦唱木魚）您不妨對我細說前塵。
（小生唱反線中板）我記當年，八載經商，自問已盡平生，嘅責任；豈知道，全盤破產，祇剩得自己，著一身呀。但係我去見呀，嗰啲親朋，大都富貴豪華，不識我哋卑微，窮困；
叁段（third verse, side A of disc Two）：
（小生唱反線中板）猶倒運，病魔纏繞呀，真正係求借，無人。
（花旦唱反線中板）唉，閣駕原來，您為着貧窮，就要投江，命殞；須知道，捱得苦中苦，方為人上，之人。
（小生唱滾花）試問貧病交煎呀，妳話生來作甚；勉強生存下去，盞令我痛苦難堪呀。
（花旦唱二簧）自古「世態炎涼」，但係於今，為甚；人生味，正是酸甜苦辣，忍得住就（百難無），來臨。
（小生唱二簧）不知道忍到何時，真正係忍無，可忍；到處遭逢白眼，寧願把生命，犧牲。
肆段（fourth verse, side B of disc Two）：
（花旦唱二簧）我實不相瞞，我亦係殘花，待殞；終日迎人擊叫，係靠皮肉，維生。
（花旦唱滾花）唉，究竟誰令到我如斯？還要向世人一問呀。
（小生口古）乜原來妳都係咁慘㗎？大家苦海沉淪，就同被那艱難所困。惟有一灑同情之淚，勸嬌妳就無謂咁傷心。
（花旦口古）我從來都係隨遇而安嘅，不作悲觀傷感。若果要自尋短見呀，哼，唔知要自殺幾多勻呀？
（小生唱長句滾花下句）不堪問，不堪問，同是天涯淪落人，我已苦時，嬌還甚，可知道世界就多窮人，今夕相逢，三生幸，正係「流淚眼，看流淚眼，斷腸人對，呢個斷腸人。」
（花旦唱長句滾花）您休憤恨呀，休憤恨呀，欲求收穫，要耕耘，君呀，您未必一世貧窮，祇要您肯力求振奮；
（小生唱快中板）好呀，一言驚醒夢中人。振起雄心，圖發奮，與環境掙扎，不懼艱辛。
（小生唱霸腔滾花）嬌罷嬌，我哋同病相憐，更感妳嘅良言，把我相諫呀；
（花旦唱滾花下句上半句）大家牙根咬緊，
（小生唱滾花下句下半句）我哋要勇氣做人呀。（拉腔）