Vidéo en HD cliquer sur la roue dentée pour améliorer la résolution
Maɛṭub Lwennas - Tilelli (1980)
Tuɣaleḍ-iyi-d am yiṭij
Fell-i yettfeǧǧiǧ
Tegnaw m'a tt-yeǧǧ usigna
Isem-im ɣuṛ-i ur yeffir
Irkkeb-iyi lḥir
M' a kem id-adreɣ deg 'sefra
Tuɣaleḍ-iyi-d am udfel
Deg-iḍ m' ara idel
Iberdan di mkul tama
Fell-am i xlant leḥwaṛi
Mmuten irkelli
Ilaq ad d-nadiḍ tura
Tuɣaleḍ-iyi-d am ddheb
Ul mi kem-iqelleb
S yis-m ara yaf lehna
Tifeḍ aggur tziri
A nteddu ḥafi
T-ssɛerqeɣ lǧerra
Tuɣaleḍ-iyi-d am ddkir
Ijebbed-iyi lḥir
Tettekkseḍ i umeḥbus lefqɛa
Tleḥḥuḍ ɣef kul tamurt
Tettakeḍ-as lqqut
I ugujil ur nesɛ' ara
Tuɣaleḍ-iyi-d targit
Walaɣ ddunit
D yawen fi nettnaɣ tura
Wi mmuten wayeḍ ad d-yekker
Tafat ad d-dheṛ
I ṭṭlam ad ttekkes nnuba
Tuɣaleḍ-iyi-d d abruri
Yekkaten fell-i
Am tarṣaṣt deg uglim terṣa
Tuɣaleḍ-iyi-d am aḍu
Ara iɣummen agu
Tafukt ad tḍill ɣ-lḥaṛa
Isem-im,
Isem-im ass-a a t-id-nini
Yid-s ad nili
ad nḥareb ɣef tirrugza
Ad neḍleb a ɣ-trefqeḍ
yid-neɣ ad tḥeḍreḍ
Azul yis-m a Tilelli