Рет қаралды 67,053
Ginisa ni Senator Raffy Tulfo si Bamban, Tarlac Mayor Alice Guo matapos mapag-alaman ng Senado na kasal pala ang mga magulang nito-taliwas sa kanyang unang pahayag na anak siya ng kanyang ama sa dati nitong kasambahay.
Sa records na pinakita ni Senator Risa Hontiveros, makikitang "married" ang kanyang mga magulang na sina Amelia Leal at Angelito Guo.
Kinuwestiyon din ng mga senador kung bakit "Filipino" ang nakalagay na nationality ng kanyang ama sa birth certificate ni Alice Guo gayong mariin niyang idinidiin na isa itong Chinese national.
Dahil sa taliwas na mga pahayag ni Guo, hinamon siya ni Tulfo na sumailalim sa lie detector test.