Рет қаралды 303,114
කිරි ටොෆි රෙසිපිය
මිල්ක්මේඩ් ටින් 510g
සිනි 250g
වැනිලා තේ හැදි 2
කරදමුංගු 10ක් කුඩු කරගෙන
බටර් මේස හැදි 4
ෆෙෂ්මිල්ක් හො වතුර කොප්ප 1/3
කජු / ආමන්ඩ් ටිකක්
ලුණුකුඩු තේ හැදි 1/4
මුද්දරප්පලම් පොඩියට කපලා ටිකක්
මං බටර් නම් ටිකක් වැඩිපුර දානවා බටර් වලින් එන රසට ගොඩාක් ආස නිසා. මං මාගරින් නෙමෙයි දැම්මේ. ඔයාට මාගරින් නම් තියෙන්නේ මාගරින් උනත් දාන්න කමක් නැ.
ඔයා මුලින් ම කිරිටොෆි හදන කෙනෙක් නම් අනිවාර්යයෙන් ම කිරි ටොෆි හැදි ගාන්න ඔනා අඩුම ගින්දර දලා එතකොට වරදින්නේත් නැ භාජනයේ අඩිය අල්ලන්නෙත් නැහැ.
දැන් මුලින්ම භාජනයට මිල්ක්මේඩ් ටින් එක දලා ටින් එකේ තියෙන මිල්ක්මේඩ් ටිකත් වතුර හෝ ෆෙෂ්මිල්ක් ටිකක් දලා හොදට කලවම් කරලා භාජනයට දාන්න. එකටම සිනි ලුණුකුඩු දලා කලවම් කරන්න. දැන් අඩුම ගින්දරේ හැදිගාන්න නොනවත්වාම.
විනාඩි 10ක් වගේ යනකොට මිශ්රණය හොදට උතුරන්න ගන්නවා එතකොට හැදිගාන එක නවත්තන්න ම බැහැ.
කිරි ටොෆි මිශ්රණය ටිකක් ඝණ වෙගෙන එනකොට වැනිලා ටිකක් කරදමුංගු කුඩු ටිකක් දලා හොදට කලවම් කරන්න.
දැන් විනාඩි 15ක් වගේ යනකොට මේ මිශ්රණය තව ටිකක් ඝණ වෙලා තියෙනවා. මේ වෙලාවෙදී කජු ටික මුද්දරප්පලම් ටිකත් දාන්න. මේවාත් දලා හොදට හැදි ගාන්න ඔනා. මුද්දරප්පලම් දැම්මා කිරිටොෆි වල පාට ටිකක් තදපාටක් එනවා.
තවත් ටිකක් වෙලා යනකොට පාටත් වෙනස් වීගෙන එනවා ලාවට දුඹුරැ පැහැ ගතියක් එනවා. අන්න එ වෙලාවට බටර් දලා කලවම් කරන්න.
දැන් බටර් දලා තව විනාඩි 5 ක් යනකොට මිශ්රණය තවත් ඝණ වේ ගෙන එනවා. මේ වෙලාව ඉදින් හොදට කල්පනාකාරීව හැදි ගාන්න ඔනා. දැන් පදම හරියාගෙන යන්න එන්නේ.
මිශ්රණයෙන් ටිකක් හැන්දෙන් උස්සලා බැලුවාම කැඩි කැඩි වැටෙනවා වගේ නම් මිශ්රණය ටිකක් එකට එකතු වෙලා ගුලියක් ගැහෙන්න වගේ නම් මිශ්රණයෙ මැදින් හැන්දෙන් ඉරක් ගහලා බැලුවාම දෙකම එකතු වෙන්න වෙලා යනවා වගේ නම් භාජනයේ වටේ තියෙන එවාත් මිශ්රණයට එකතු වෙලා භාජනය වටේ වෙලෙන ස්වභාවයක් එනවා වගේ නම් එ කියන්නේ කුඩු කුඩු ගතියක් වගේ මුලට වඩා අතට තද ගතියක් දැනෙනවා වගේ නම් ඔන්න එහෙනම් දැන් පදම හරි. ( මෙතන මං එක එක විදිහට පදම ගැන විස්තර කරලා තියෙන්නේ ඔයාට ලේසි වෙන්න )
දැන් ඉක්මනින්ම බාලා බටර් ගාපු තැටියට දලා ඉක්මනින් ඉක්මනින්ම තුනී කරගන්න. ඇලෙනවා වගෙ නම් හැන්දේ හරි පිහියේ හරි බටර් චුට්ටකුත් ගාගෙන ටක් ටක් ගාලා තුනී කරන්න නැත්තම් මිශ්රණය ගල්වෙන්න බලනවා.
ලස්සනට තුනී කරගත්ත කිරි ටොෆි ටික බටර් ගාගත් පිහියෙන් කැලි කපලා මාක් කරගන්න. හොදටම නිවෙන්න පැයක් දෙකක් තියලා කපාගත් කැලි ටික වෙන් කරගන්න.
ඔයා මුලින්ම කිරි ටොෆි හදන කෙනෙක් නම් පොඩි ටින් එකෙන් හදන්න ගන්න. එ කියන්නේ 390g ටින් එක ගන්න. එකට සිනී මං දාන්නේ නම් 200g ක් වගේ පලවෙනි පාර නම් ඔයා ඊට වඩා සිනි ටිකක් දාන්න එතකොට හැදි ගාන වෙලාව තව ටිකක් අඩු කරගන්න පුලුවන්. මං සිනි ටිකක් අඩුවෙන් දාන නිසා වැඩිපුර වෙලාවක් හැදිගාන්න වෙනවා වගෙම කිරි ටොෆි එක ලා පාටට තාම හැදිලා එන්නේ.
ලොකු මිල්ක්මේඩ් ටින් එකෙන් කැලී 65ක් වගේ කපා ගන්න පුලුවන්. අද මං ගොඩාක් පොඩියට කපුවේ 70ක් වගේ කැපුවා. ඔයා කපන ප්රමාණය අනුව තව කැලි වැඩි අඩු වෙවි...
ඔයා සිනි වැඩිපුර දාන්න දාන්න හැදි ගාන්න ගත වන වෙලා අඩුයි. විනාඩි 20ක් 25ක් යනකොට වැඩෙ ඉවර කරගන්න පුලුවන්. ගොඩාක් පැණි රසයි. බටර් වැඩිපුර දාන්න වරදින්නේ නැතුව ලස්සනට රසට හදාගන්න පුලුවන්.
ස්තුතියි!
®Bhagi Gunawardana Tennakoon
Bhagi kitchen Facebook Fan Page link
/ bhagiskitchenbybhagi
Bhagi Gunawardana Instagram link
bhagi_gunawarda...