Тошкент шаҳрининг шарқий қисмида, пойтахт марказидан 20 километр масофада, Қорасув ва Чирчиқ дарёлари оралиғида барпо этилажак "Янги Тошкент" учун Британиянинг Cross Works архитектура компанияси таклиф этган лойиҳа танлаб олинган.
“Янги Тошкент” шаҳрининг бош режасини аввалига Британиянинг Benoy меъморчилик ширкати ишлаб чиққан эди.
2019 йилда ширкат 2 миллион аҳоли учун мўлжалланган "Янги Тошкент" бош режасининг 3 ўлчамли видеосини KZfaq каналида намойиш қилган.
“Ўзбекистон биз учун мафтункор жой. Биз шаҳар ҳокими билан дўст ва ҳамкор бўлиб, уларнинг қарашларини амалга оширишдан мамнунмиз”, деган эди ўшанда Benoy бош директори Жон Доус.
Орадан қарийб тўрт йил ўтиб, Benoy ширкатида узоқ йил ишлаган Хоқон Агча Cross Works деб аталувчи янги ширкат очган ва “Янги Тошкент” учун тақдим этган шу ширкат лойиҳаси танлаб олинган.
Ўзбекистоннинг энг йирик қурилиш лойиҳаларидан "Тошкент-сити"даги коррупцион деб айтилган схемаларни ўрганган, Британиядаги Алстер университети (University of Ulster) криминология профессори Кристиан Ласслетт фиркича, бу каби йирик шаҳар қурилиши учун бор-йўғи 3 нафар ходимга эга ва Лондондаги ижарага олинган бинолардан бирида рўйхатдан ўтган ширкат лойиҳаси танлаб олингани кўплаб саволларни ўртага чиқармоқда.
🔴 t.me/ozodlikkanali kanaliga obuna bo'ling!
🔴 Bizga xabar yo'llash uchun 👉 @ozodnews
Toshkent shahrining sharqiy qismida, poytaxt markazidan 20 kilometr masofada, Qorasuv va Chirchiq daryolari oralig‘ida barpo etilajak "Yangi Toshkent" uchun Britaniyaning Cross Works arxitektura kompaniyasi taklif etgan loyiha tanlab olingan.
“Yangi Toshkent” shahrining bosh rejasini avvaliga Britaniyaning Benoy me’morchilik shirkati ishlab chiqqan edi.
2019-yilda shirkat 2 million aholi uchun mo‘ljallangan "Yangi Toshkent" bosh rejasining 3 o‘lchamli videosini KZfaq kanalida namoyish qilgan.
“O‘zbekiston biz uchun maftunkor joy. Biz shahar hokimi bilan do‘st va hamkor bo‘lib, ularning qarashlarini amalga oshirishdan mamnunmiz”, degan edi o‘shanda Benoy bosh direktori Jon Dous.
Oradan qariyb to‘rt yil o‘tib, Benoy shirkatida uzoq yil ishlagan Xoqon Agcha Cross Works deb ataluvchi yangi shirkat ochgan va “Yangi Toshkent” uchun taqdim etgan shu shirkat loyihasi tanlab olingan.
O‘zbekistonning eng yirik qurilish loyihalaridan "Toshkent-siti"dagi korrupsion deb aytilgan sxemalarni o‘rgangan, Britaniyadagi Alster universiteti (University of Ulster) kriminologiya professori Kristian Lasslett firkicha, bu kabi yirik shahar qurilishi uchun bor-yo‘g‘i 3 nafar xodimga ega va Londondagi ijaraga olingan binolardan birida ro‘yxatdan o‘tgan shirkat loyihasi tanlab olingani ko‘plab savollarni o‘rtaga chiqarmoqda.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#ozodlik #tashkent #uzbekistan #mirziyoyev #korrupsiya