#ချင်းပြည်နယ်
#မင်းတပ်မြို့
#အမ်လောင်းကျေးရွာ
MY Travelogue ကိုကြည့်ရှုနေကြတဲ့ ပရိတ်သတ်များအားလုံးပဲမင်္ဂလာပါ...ချင်းပြည်နယ်တောင်ပိုင်းသို့ခရီးသွားခြင်းရဲ့ နောက်ဆုံးအပိုင်းမှာတော့ အမ်လောင်းကျေးရွာမှာ ကျင်းပပြုလုပ်တဲ့ လုံရူးပွဲတော်အကြောင်းကို တင်ဆက်ပေးချင်ပါတယ်။ လုံရူးပွဲတော်ကျင်းပဖို့အတွက်ဆိုရင် ပိုက်ဆံသိန်း (၇၀)၊ (၈၀) လောက်အထိ ကုန်ကျမှာဖြစ်ပြီး နီးစပ်ရာရွာတွေကပါ ပွဲတော်ကိုလာကြပါတယ်။ လုံရူးပွဲတော်ကျင်းပနိုင်ဖို့အတွက် နတ်ကိုပူဇော်လို့ ကြက်ဥဗေဒင်မေးမြန်းပြီးရင်တော့ နွားနောက်ကိုသတ်ကာ လာရောက်ကြတဲ့ဧည့်သည်တွေကို ဧည့်ခံကျွေးမွေးကြတာပဲဖြစ်ပါတယ်။ ဆက်လက်ပြီး ချင်းလူမျိုးတွေရဲ့ မျိုးရိုးစဉ်ဆက်ထိန်းသိမ်းလာကြတဲ့ နှာခေါင်းနဲ့မှုတ်တဲ့ နှာခေါင်းမှုတ်ပုလွေကို သွားရောက်လေ့လာကြပြီး ဒီအစီအစဉ်ကနေ နှုတ်ဆက်လိုက်ပါတယ်။ ကြည့်ရှုအားပေးခဲ့ကြတဲ့အတွက်လည်း ကျေးဇူးအထူးတင်ရှိပါတယ်။