အားလုံးပဲမင်္ဂလာပါ....MRTV Travelogue အနေနဲ့ ပရိတ်သတ်ကြီးကို နောက်ထပ်တစ်နေရာအနေနဲ့ ခေါ်သွားမယ့်နေရာဒေသကတော့ သမိုင်းထဲကမင်းကွန်းလို့ တင်စားရလောက်တဲ့ မင်းကွန်းဒေသကို ခေါ်သွားချင်ပါတယ်။ မင်းကွန်းဒေသဆိုတာကတော့ ပရိတ်သတ်တွေလည်း သိထားတဲ့အတိုင်း မြန်မာနိုင်ငံရဲ့ထင်ရှားကျော်ကြားပြီး ကမ္ဘာ့အလယ်မှာပါ ဂုဏ်ယူစရာကောင်းတဲ့အရာတွေ ရှိနေတဲ့ လေ့လာလည်ပတ်ချင်စရာနေရာ တစ်နေရာပဲဖြစ်ပါတယ်။ ပြည်တွင်းပြည်ပခရီးသွားဧည့်သည်တွေနဲ့ အမြဲလိုလိုစည်ကားနေတဲ့ မင်းကွန်းဒေသကို MRTV Travelogue နဲ့အတူတူ လေ့လာလည်ပတ်ကြမယ်နော်။ ဒီအပိုင်း(၂) မှာကတော့ မင်းကွန်းဒေသရဲ့ ချစ်စရာကောင်းတဲ့ လက်မှုလုပ်ငန်းတစ်ခုကို လေ့လာကြည့်ကြရအောင်ပါ... အဲ့ဒါကတော့ စွန့်ပစ်ပစ္စည်းတွေကနေ အသုံးအဆောင်ပစ္စည်းလေးတွေ ဖန်တီးကြတာပါ..နောက်ထပ်လည်း မင်းကွန်းဒေသရဲ့ အိမ်ပြန်လက်ဆောင်အနေနဲ့ ဝယ်ယူကြလေ့ရှိတဲ့ လက်မှုပစ္စည်းလုပ်ငန်းကိုလည်း အတူတူလေ့လာကြရအောင်ပါ။ ပြီးရင်တော့ ထုံးဖြူဖွေးဖွေးနဲ့ ကြည်ညိုသပ္ပါယ်စရာကောင်းလှတဲ့ မြသိန်းတန်စေတီတော်မြတ်ကြီးကိုလည်း လေ့လာဖူးမြော်ကြမယ်။ ဒီအပိုင်းရဲ့ နောက်ဆုံးတစ်နေရာအနေနဲ့က ကမ္ဘာ့ဒုတိယအကြီးဆုံးခေါင်းလောင်းကြီးဖြစ်တဲ့ မင်းကွန်းခေါင်းလောင်းကြီးရှိရာဆီ သွားရောက်ပြီးတော့ လေ့လာလည်ပတ်ကြပါဦးမယ်။ကြည့်ရှုအားပေးကြပါဦးရှင်...
ပရိတ်သတ်များအားလုံး စိတ်လက်အပန်းပြေစေပြီး ဗဟုသုတတွေ တိုးပွားရရှိကြပါစေ...