Рет қаралды 2,806,836
ብዘይ ብኣኻ መን ኣሎኒ
ብዘይ ብኣኻ መን ኣሎኒ ኣነ
ኣብ ሰማይን ምድርን መድሕነይ ዝኾነ
እግዚኣብሔር ንዓኻ ኣሚነ
እቲ ዝምክሖ መገደይ ዘቕንዖ
ኣምላኸይ ሓይለይ እምባይ ዝጽግዖ
ንስኻ ኢኻ ንልበይ ተጽንዖ
እቶም ጸላእተይ ቀስቶም ክግትሩ
ፍላጻታቶም ናባይ ክውርውሩ
ንኸውድቑኒ ንዓይ ክወግኡኒ
ኣይሓደግካንን ንሞት ክፈርዱኒ
ኣይገድፈካን'የ ሸለል'ውን ኣይብልን
'ቲ ዝበልካኒ ቃልካ ኣይዓበረን
ዋልታይ ምድሓነይ ኮይንካኒ ንስኻ
እግዚኣብሔር ይብዛሕ ምስጋናኻ
ናይ እምነት መርከብ ማዕበል እናደፍኣ
ህቦብላ ንፋስ ሓይሉ ምስ በርትዓ
መፈንጠርያታት ሞት ምስ ከበበኒ
ኣነ ክሽገር ዓቕለይ ጸቢቡኒ
ካብቲ መከራይ ፍርሓት ምስ ተላዕለ
ምስ ጸዋዕኩኻ ድምጸይ ክብ ኣቢለ
ሓላውየይ ግን ኣይትታኸስን ኢኻ
ኣድሒንካኒ ኢኻ ማዕበላት ገሲጽካ
ኣብ እቶን እሳት ኣብ ጉድጓድ ኣናብስ
ንሞት ተደርብየ ብትእዛዝ ናይ ንጉሥ
ኣበይ ደኣ ኣሎ ኣምላኽካ እናበሉ
እቶም ጸላእተይ ንስምካ ከልዕሉ
ጐይታ መድሓኒ ጓሳ ናይ ሕይወተይ
ኣይገደፍካንን ሰሚዕካ ጸሎተይ
'ቲ ዓቢይ ምረት ንሰላመይ ኮይኑ
ተመስገን ጐይታ ስምካ'ውን ገኒኑ