1 апрель - Николай Гоголь туғилган кун
Николай Гоголнинг "Ўлик жонлар" асари (Рустам Абдураҳмонов таржимаси) асосида тайёрланган радиодрама. Асар 1970 йили Ўзбекистон радиосида магнит тасмасига туширилган. Асосий ролларда: Сайфи Олимов, Ҳикматилла Латипов, Амин Турдиев, Зайнаб Садриева, Обид Юнусов, Турғун Азизов.. Муаллиф матнини Қодир Махсумов ўқиган.
“Ўлик жонлар” - ёзувчининг суюмли асари. Гоголнинг ўзи бир дўстига ёзган мактубида “Агар бу асарни кўнгилдагидек ёзиб тамомласам, у вақтда... нақадар зўр, нақадар оригинал бир сюжетни кўрасиз. Нақадар ранг-баранг бир тўдани кўрасиз! Унда бутун Русия намоён бўлади” дейди. Асар қаҳрамони Чичиков ёмон одам эмас. У замона зайли билан шундай характердаги одамга айланганки, уддабуронлик билан мол-дунё тўпламоқчи, орзусидагидек сепли қизга уйланиб, ҳашаматли бир уйда фарзандлари билан тинч-хотиржам яшамоқчи - бор йўқ орзуси шу. Бироқ қинғир ишнинг қийиғи чиқади ва Чичиков ниҳоят бундан ўзига хулоса қилади.
1 aprel - Nikolay Gogol tug‘ilgan kun
Nikolay Gogolning "O‘lik jonlar" asari (Rustam Abdurahmonov tarjimasi) asosida tayyorlangan radiodrama. Asar 1970 yili O‘zbekiston radiosida magnit tasmasiga tushirilgan. Asosiy rollarda: Sayfi Olimov, Hikmatilla Latipov, Amin Turdiyev, Zaynab Sadriyeva, Obid Yunusov, Turg'un Azizov. Muallif matnini Qodir Maxsumov o‘qigan.
“O‘lik jonlar” - yozuvchining suyumli asari. Gogolning o‘zi bir do‘stiga yozgan maktubida “Agar bu asarni ko‘ngildagidek yozib tamomlasam, u vaqtda... naqadar zo‘r, naqadar original bir syujetni ko‘rasiz. Naqadar rang-barang bir to‘dani ko‘rasiz! Unda butun Rusiya namoyon bo‘ladi” deydi. Asar qahramoni Chichikov yomon odam emas. U zamona zayli bilan shunday xarakterdagi odamga aylanganki, uddaburonlik bilan mol-dunyo to‘plamoqchi, orzusidagidek sepli qizga uylanib, hashamatli bir uyda farzandlari bilan tinch-xotirjam yashamoqchi - bor yo‘q orzusi shu. Biroq qing‘ir ishning qiyig‘i chiqadi va Chichikov nihoyat bundan o‘ziga xulosa qiladi.