Рет қаралды 14,423
Այս բուլկիների բաղադրատոմսը վաղուց եմ դուրս բերել ու հենց սկզբից անվանել եմ հենց էսպես "Ոչ մի բանով" բուլկիներ, քանի որ մինիմալ հնարավոր բաղադրիչներով է միայն։
Եռման ջրով մաս
150 մլ եռման ջուր
3 ճ գդալ ալյուր
Հիմնական խմոր
150-200 մլ գոլից քիչ տաք ջուր (մոտ 30 աստիճան)
1 ոչ լիքը թեյի գդալ խմորիչ
3-4 ճ գդալ շաքարավազ (ես 3 գդալ եմ ավելացրել։ Ստացվում է ոչ քաղցր, բայց շատ համեղ։ Մենք նման բուլկիները սիրում ենք հենց քիչ շաքարավազով)
+
եռման ջրով նախապատրաստված ալյուրը
+
0,5 թեյի գդալ քացախ (4-9 % ցանկացած քացախ կարող է լինել)
400-450 գ ալյուր
0,5 թեյի գդալ աղ
կարելի է ավելացնել նաև վանիլին (պարտադիր չի․ ըստ ցանկության )
որպես միջուկ կարող եք օգտագործել ցանկացած մուրաբայի հատիկներ, ջեմ, խտացրած կաթ, ուղղակի 1-2 պտղունց շաքարավազ կամ ուղղակի պատրաստել առանց միջուկի։
Ջեռոց դնելուց առաջ վրան գոլ ջուր քսել զգուշությամբ։
Ջեռոցից հետո, քանի դեռ շատ տաք են, վրան որևէ օշարակ ենք քսում։ Դա կարող է լինել, ինչպես խիտ օշարակ որևէ կամ մեղր, կամ դրանցից որևէ մեկը ջրով բացված վիճակում, ինչպես իմ դեպքում էր։
Դա կօգնի, որպեսզի գույնը ավելի արտահայտիչ դառնա։
Բուլկիները եռման ջրի շնորհիվ շատ ավելի համեղ են ստացվում, քան ցանկացած նմանատիպ ջրով այլ բուլկի, նաև դրա շնորհիվ երկար թարմ են մնում, եթե պահպանեք փակ տարայում կամ տոպրակի մեջ։
Սիրով՝ ձեր Արուսյակ