ОТАНДЫ ҚОРҒАУ-ҚӘСИЕТТІ ПАРЫЗЫҢ! «Отанды қорғау-қәсиетті парызың» атты 7 мамыр-Отан қорғаушылар күніне және 9 мамыр- екінші дүниежүзілік соғыстың аяқталған Жеңіс күнінің қарсаңында Атырау облысы Қызылқоға ауданының аудандық орталық кітапхана ұжымы қызметкерлерінің ұйымдастыруымен жиын болып өтті. Жиынға Миялы ауылының 3 орта мектептің жоғарғы сынып оқушылары қатысты. Жас жеткіншек балаларымызға Отан қорғау туралы рухани патриоттық әңгімелер айтуға Қорғаныс саласының ардагері Есенбай Нұров, Ішкі істер саласының ардагері Мәлік Жұмалиев, Жастар орталығының жетекшісі Ризабек Амантайұлы және әскер қатарында борышын өтеп келген жас сарбаз Бітімбай Мақсат Маратұлы қонақ ретінде қатысты. Ардагер, жерлес батырымыз Мұханбет (Мұқан) Жұмалиев туралы ауылдастарға белгісіз ерліктерін туысы Мәлік екеуміз баяндап бердік. Жас сарбаз Мақсат сарбаздың бір тәуліктегі күн тәртібін айтып, спортпен айналысқан оған қиын болмай, кіші сержант әскери лауазымын алғанына тоқталды. Менен: -Қандай кітап оқисыз? деген сұраққа 1) Александр Бектің «Арпалыс» Волокаламоскі тас жолындағы Бауыржан Момышұлының батальонінің ерлік істері мен әскери тактикасы туралы, 2) Жерлес академик Алтай Тайжанның «Пайым мен парыз» атты кітабын осы кітапханадан алып оқып жатырмын, деп, жастарды кітап оқуға, әскери борышын өтеуге дайын болыңыздар деген тілегімді айттым. Оқушыларда қалыспай АК-74 автоматын шашып қайта жинауда өз дайындықтарының жақсы дәрежеде екенін көрерменге паш етті. Кітапханашылар ұйымдастырған шара өз мәнінде жастарға патриоттық тәрбие беруде нәтижелі өтті деген қорытындыға келдім. Есенбай Сәмекұлы Нұр. 04.05.2024 ж.

📚Аудандық орталық кітапхана Ұранды ердің - ұрпағы қайсар дегендей, жас ұрпаққа батырлардың бойындағы ержүректілік, отансүйгіштік, ұлтжандылық қасиеттерін дәріптеу мақсатында 7 мамыр Отан қорғаушылар мерекесі күні қарсаңында “Отан қорғау - қасиетті парызың” атты кездесу кеші ұйымдастырылды. Шара барысында кітапханашы жас оқырмандарға, бүгінгі мамыражай тыныш өмір аға ұрпақ қалыптастырған берік бірліктің нәтижесінде келгенін, ер жігіттің құл болмай, ару қыздың күң атанбай халықтың бірлікте өмір сүруі нақ солардың арқасында және әрбір жас ұрпақ үшін, егемен еліміздің тәуелсіздігін қорғаушылардың бәрі жарқын үлгі болып қала берері сөзсіз екендігін айтып өтті. Еліміздің болашағы - жастарымызды Отанын, елін қорғай білуге тәрбиелеу, әдет-ғұрпын, тілін құрметтейтін, жаны таза, Отанын сүйетін ұрпақ қалыптастыру, патриоттық сезімге баулу. Кездесу кешіне Қорғаныс істер саласының ардагері, аудандық мәслихаттың депутаты, аудандық қоғамдық кеңестің мүшесі, Ойыл жанашыры Нұров Есенбай Сәмекұлы, Миялы ауылдық кеңестің мүшесі, Ішкі істер саласының ардагері Жұмалиев Мәлік Жаңбырбайұлы, Жастар ресурстық орталығының директоры Ризабек Амантайұлы, отан алдындағы әскери борышын өтеп келген Бітімбай Мақсат Маратұлы және Халел Досмұхамедұлы, Берқайыр Аманшин, Ығылман Шөрекұлы атындағы орта мектептердің оқушылары қатынасты. Ерлікті дәріптейтін кездесу кеші орынды сауалдар мен тұщымды жауаптармен өрби түсті. Ел қорғаған батырлардың бүгінгі ұрпақтары да осал емес, ауданымызда елдің ертеңі, әрі қорғаны болатын жалынды жастар да жетерлік, солардың бірі Сәуірбаев Нұрахмет пен Қоныс Еңлік АК74 автоматын шашып, тез қайтадан жинауда алдына жан салмайды. Кеш соңын арыстан келбетті, жолбарыс жүректі, қырандай қырағы, намысқой, ер мінезді азаматтарымызға жігерлеріңіз жалынды болсын, асқақ шыңдарды бағындырып, қонар тұғырларыңыз биіктей берсін деген тілекпен орталық кітапхана директоры Талғат Төребайұлы қортындылады.