Ақмола облысы Ішкі саясат басқармасының Қоғамдық даму орталығы» КММ-нің Ұйымдастыру-жобалау бөлімінің әдіскері Рысты Абдрахманова «Отбасы - тәрбиенің басты ұясы» атты треннинг өткізді.
Шараның мақсаты: Бала тәрбиесіндегі ата-ананың рөлі мен жауапкершілігі. Баланың жеке тұлға болып қалыптасуына ықпал ету. Ұлағатты тәлім-тәрбие беру.
Арнайы ұйымдастырылған игі шараға Ақан сері атындағы жоғары мәдениет колледжі Хореография және дизайн кафедрасының студенттері қатысты.
Жиын барысында студенттер арасында сауалнама жүргізіліп, түрлі видеомәтін тыңдалды. Сондай-ақ, тақырыпқа сай әртүрлі ойындар ойнатылды.
Кездесу барысында студенттер тарапынан спикерге сұрақтар қойылып, тұшымды жауаптар алынды.
Бала - біздің өміріміздің ең үлкен құндылығы. Оның жан дүниесін түсінуге, оны тани білуге үйретуіміз керек. Балаларымызды жүрек жылуына, сүйіспеншілікке, мейірімділікке, қамқорлыққа және мейірімді болуға тәрбиелеу біздің басты міндетіміз.