माणसाला ग्रासणाऱ्या सगळ्याच प्रकारच्या शारीरिक आजारात, आपण औषधाने बरे होणार या कल्पनेने माणसांना कमीअधिक प्रमाणात बरे वाटू लागते हे शास्त्रीय सत्य आहे.
डॉक्टरचा रुग्णांसोबत घडून येणारा संवाद उपचारावर आणि दुरुस्तीवर प्रभाव टाकणारा इतका महत्वाचा घटक असतो की, प्लॅसिबो गोळी देताना, त्या गोळीचे काही दुष्परिणाम संभवतात असे सांगितल्यावर अनेक रुग्णांवर त्या निरुपद्रवी गोळीचे दुष्परिणाम दिसून आले. या परिणामांना ‘नोसिबो’ इफेक्ट असे संबोधले जाते.
कोरोना महामारीच्या काळात प्लॅसिबो आणि नोसिबो, दोन्ही परिणाम होऊ शकतात. कुठला व्हावा हे तुमच्या दृष्टिकोनावर अवलंबून. हे सत्य माध्यमांनीही लक्षात ठेवणं गरजेचं.