ቅርቤ - ይስሃቅ ሰዲቅ // Qirbe - Yishak Sedik
''ቅርቤ''
• ቅርቤ - ይስሃቅ ሰዲቅ // Qirb...
የሚያስጨንቀኝን ሁሉ ባንተ ላይ ጥዬ
ሸክሜ ተራግፏል
ስጋት አይገባኝም
ልቤም በፊትህ እርፍ ብሏል
ከአይምሮዬ በላይ እጅግ ትልቅ ነህ
ዘልቀህ ታየኛለህ
ካንተ አልሰወርም ውስጤን በርብረህ ሁሉዬን ታውቃለህ
ሊጮህ ሳልይነሳ ምኞቴን ምትሰማው
የውስጤንም ሀሳብ ቀድመህ ምትረዳው
ቅርቤ አንተ ብቻ ነህ ከእስትንፋሴ ይልቅ
ምን እንዲያስፈልገኝ ስለ እኔ የምታውቅ
እግዚአብሔር አምላኬ አንተ አባቴ ነህ
በቅዱስ ማደሪያህ በመቅደስህ ያለህ
ዙፋንህ ሰማይ ነው አላማህ ግን በእኔ
እኔም ወደ ሌላ አላነሳም አይኔን
መላ ሃሳቤን ገና ከሩቅ ሳይደረጅ ነው የምታስተውለው
መቀመጥ መነሳቴም ቢሆን ሁሌም ባንተ የታወቀ ነው
መንገዶቼን ሁሉ ቀድመህ ጎዳናዬን የምታቀና
አይኖችህ በእኔ ላይ ናቸው ሳይሰጋ ይኸው ልቤ ባንተ ፀና
የሚያስጨንቀኝን ሁሉ ባንተ ላይ ጥዬ
ሸክሜ ተራግፏል
ስጋት አይገባኝም
ልቤም በፊትህ እርፍ ብሏል
ከአይምሮዬ በላይ እጅግ ትልቅ ነህ
ዘልቀህ ታየኛለህ
ካንተ አልሰወርም ውስጤን መርምረህ ሁሉዬን ታውቃለህ
ከአይምሮዬ በላይ እጅግ ትልቅ ነህ
ዘልቀህ ታየኛለህ
ካንተ አልሰወርም ውስጤን በርብረህ ሁሉዬን ታውቃለህ
አካሄድን በፊትህ አድርጌ መንገዴን ያቀናህልኝ ጌታ
የእርሱ የሆንኩለት አለ ብዬ በዛ ምድረበዳ ያልተውከኝ ላፍታ
በሄድኩበት መንገድ ሁሉ ከኔ ጋራ የነበርከው
እግዚአብሔር አንተ ብቻ ነህ ሳላይህ እስከዛሬ ስታየኝ የኖርከው 😭😭😭😭
ሊጮህ ሳልይነሳ ምኞቴን የምትሰማው
የውስጤንም ሀሳብ ቀድመህ ምትረዳው
ቅርቤ አንተ ብቻ ነህ ከእስትንፋሴ ይልቅ
ምን እንዲያስፈልገኝ ስለ እኔ የምታውቅ
እግዚአብሔር አምላኬ አንተ አባቴ ነህ
በቅድስ ማደሪያህ በመቅደስህ ያለህ
ዙፋንህ ሰማይ ነው አላማህ ግን በእኔ
እኔም ወደ ሌላ አላነሳም አይኔን
መዝሙረ ዳዊት - ምዕራፍ 139
1 አቤቱ፥ መረመርኸኝ፥ አወቅኸኝም።
2 አንተ መቀመጤንና መነሣቴን አወቅህ፤ አሳቤን ሁሉ ከሩቅ አስተዋልህ።
3 ፍለጋዬንና ዕረፍቴን አንተ መረመርህ፤ መንገዶቼን ሁሉ ቀድመህ አወቅህ፥
4 የዓመፃ ቃል በአንደበቴ እንደሌለ።
5 አቤቱ፥ አንተ እነሆ የቀድሞውንና የኋላውን አወቅህ፤ አንተ ፈጠርኸኝ፥ እጅህንም በላዬ አደረግህ።
6 እውቀትህ ከእኔ ይልቅ ተደነቀች፤ በረታች፥ ወደ እርስዋም ለመድረስ አልችልም።
7 ከመንፈስህ ወዴት እሄዳለሁ? ከፊትህስ ወዴት እሸሻለሁ?
8 ወደ ሰማይ ብወጣ፥ አንተ በዚያ አለህ። ወደ ሲኦልም ብወርድ፥ በዚያ አለህ።
9 እንደ ንስር የንጋትን ክንፍ ብወስድ፥ እስከ ባሕር መጨረሻም ብበርር፥
10 በዚያ እጅህ ትመራኛለች፥ ቀኝህም ትይዘኛለች።
11 በውኑ ጨለማ ትሸፍነኛለች ብል፥ ሌሊት በዙሪያዬ ብርሃን ትሆናለች፤
12 ጨለማ በአንተ ዘንድ አይጨልምምና፥ ሌሊትም እንደ ቀን ታበራለችና፤ እንደ ጨለማዋ እንዲሁ ብርሃንዋ ነው።
13 አቤቱ፥ አንተ ኵላሊቴን ፈጥረሃልና፥ በእናቴም ሆድ ሰውረኸኛል።
14 ግሩምና ድንቅ ሆኜ ተፈጥሬአለሁና አመሰግንሃለሁ፤ ሥራህ ድንቅ ነው፥ ነፍሴም እጅግ ታውቀዋለች።
15 እኔ በስውር በተሠራሁ ጊዜ፥ አካሌም በምድር ታች በተሠራ ጊዜ አጥንቶቼ ከአንተ አልተሰወሩም።
16 ያልተሠራ አካሌን ዓይኖችህ አዩኝ፤ የተፈጠሩ ቀኖቼ ሁሉ አንድ ስንኳ ሳይኖር በመጽሐፍህ ተጻፉ።
17 አቤቱ፥ አሳቦችህ በእኔ ዘንድ እንደ ምን እጅግ የተከበሩ ናቸው! ቍጥራቸውም እንደ ምን በዛ!
18 ብቈጥራቸው ከአሸዋ ይልቅ ይበዛሉ፤ ተነሣሁም፥ እኔም ገና ከአንተ ጋር ነኝ።
19 አቤቱ፥ አንተ ኃጢአተኞችን የምትገድል ከሆንህስ፥ የደም ሰዎች ሆይ፥ ከእኔ ፈቀቅ በሉ።
20 በክፋት ይናገሩብሃልና፤ ጠላቶችህም በከንቱ ያምፁብሃል።
21 አቤቱ፥ የሚጠሉህን እኔ የጠላሁ አይደለሁምን? ስለ ጠላቶችህም አልተሰቀቅሁምን?
22 ፍጹም ጥል ጠላኋቸው፥ ጠላቶችም ሆኑኝ።
23 አቤቱ፥ መርምረኝ ልቤንም እወቅ፤ ፍተነኝ መንገዴንም እወቅ፤
24 በደልንም በእኔ ውስጥ ብታገኝ እይ፤ የዘላለምንም መንገድ ምራኝ።