Lajme arkiva 2008
Edhe pse ka kaluar afro një javë nga analiza që kryeministri i bëri punës së qeverisë në 7 muajt e parë të këtij viti, kreu i opozitës Edi Rama nuk e sheh si të tepërt të shfaqet publikisht për t’i cilësuar të gënjeshtërta të gjitha arritjet e prezantuara nga Berisha, për të faktuar vërtetësinë e deklaratave të tjera Rama i është referuar një raporti të Fondit Monetar Ndërkombëtar për zhvillimin ekonomik të Shqipërisë gjatë periudhës 2-vjeçare 2005-2007.
Edi Rama: “Shifrat e këtij raporti tregojnë, se ky është vlerësimi më negativ që Shqipëria ka marrë qysh se nuk mbahet më mënd dhe provojnë pa kundërshtueshmërisht dështimin tronditës të kryeministrit Berisha i cili në 2005 i mblodhi votat e shqiptarëve për të luftuar korrupsionin dhe do të dalë së shpejti nga zyra kryeministrore, duke lënë pas një Shqipëri të zhytur edhe më thellë në zullumin e qeverisë së saj.”
Duke analizuar në detaje raportin më të fundit të FMN-së, Rama ka akuzuar Berishën, se nuk ka mbajtur asnjë nga premtimet elektorale, as atë për një qeveri në dietë, premtim që sipas Ramës e solli në pushtet në vitin 2005.
Edi Rama: “Paratë e shqiptarëve vazhdojnë të shpërdorohen rregullisht pa asnjë gajle për shpenzimet qeveritare dhe rëndom pa asnjë sens rrugëve ajrore të planetit, ku pushtetarët tanë kukurisen qoftë dhe vetëm për të regjistruar apo për të fotografuar një sekuencë shtrëngimi duarsh apo buzëqeshje korridoreve. Vetëm për qokat e kota ndërkombëtare të spikeres së kuvendit, shqiptarët kanë paguar 500 mijë km fluturime rrotull planetit.”
Rama ka deklaruar, se socialistët me bashkimin e tyre të ri me të gjithë ata që duan një Shqipëri normale, t’i sjellin shqiptarëve një të ardhme evropiane gjë që sipas tij nuk ka arritur ta bëjë qeveria e korruptuar e Berishës./tvklan.al
Gazetare: Elja Zotka
SUBSCRIBE to “RTV KLAN” on KZfaq for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/programe/