საქართველოს კუდოს ნაკრები ევროპის ჩემპიონატისთვის ძლიერი შემადგენლობით ემზადება.
კონტინენტის პირველობა 19 წლამდელებსა და უფროსებს შორის 29 ოქტომბერს, ლიეტუვის ქალაქ კაუნასში გაიმართება.
2023 წლის ევროპის ჩემპიონატზე საქართველოს ღირსებას 6 კუდოისტი დაიცავს. ჩვენს ქვეყანას 4 წარმომადგენელი 19 წლამდელთა შორის ეყოლება, 2 კი უფროსებში.
ქართველი კუდოისტები ევროპირველობისთვის არასრული შემადგენლობით თბილისში, კუდოს კლუბ „დავითიანნში“ ვარჯიშობენ. საქართველოს ნაკრების წევრებს საქართველოს კუდოს ფედერაციის მთავარი ინსტრუქტორი დავით ყოლბაია და კუდოს მწვრთნელი მამუკა შონია ავარჯიშებენ. ევროპის ჩემპიონატისთვის თბილისში ამჟამად 4 კუდოისტი, ვასილ დვალაძე, ლევან დარასელია, თორნიკე კურტანიძე, და გიორგი ჟვანია ემზადებიან. რომეო გაბლაია და სედრაკ კარაპეტიანი ნაკრებს უახლოეს მომავალში შემოურთდებიან.
საქართველოს ნაკრების შემადგენლობაში მსოფლიოსა და ევროპის ჩემპიონები და პრიზიორები არიან. სედრაკ კარაპეტიანი (U19) მსოფლიოს მოქმედი ჩემპიონია, გიორგი ჟვანია (U16) და ვასილ დვალაძე (U19) ევროპის მოქმედი ჩემპიონები, დვალაძეს 2022 წელს ევროპირველობაზე საუკეთესოდ ჩატარებული ბრძოლისთვის სპეციალური პრიზი გადაეცა.
კაუნასში ევროპირველობის ფარგლებში, 30 ოქტომბერს გაიმართება მწვრთნელთა შავი ქამრებისა და დანის მისანიჭებელი საკვალიფიკაციო გამოცდა, სადაც საქართველოდან კუდოს მწვრთნელები, დავით დუშუაშვილი რომეო გაბლაია და მამუკა შონია მეორე დანის გამოცდებს ჩააბარებენ.
საქართველოს კუდოს ნაკრები ლიეტუვაში 26 ოქტომბერს გაემგზავრება.
#ევროპისჩემპიონატიკუდოში2023
საქართველოს ნაკრების შემადგენლობა :
რომეო გაბლაია - უფროსები, კატეგორია -260;
ლევან დარასელია - უფროსები, კატეგორია -230;
სედრაკ კარაპეტიან - U19, კატეგორია - 260;
ვასილ დვალაძე- U19, კატეგორია -270;
გიორგი ჟვანია - U19, კატეგორია - 240;
თორნიკე კურტანიძე - U19, კატეგორია - 230;
კონტინენტის პირველობა 29 ოქტომბერს, ლიეტუვის ქალაქ კაუნასში გაიმართება.