საფუარის ტიპების მიმოხილვა და hefewasser ის ანუ საფუარის წყლის მომზადება
Hefewasser-წყლის საფუარი ანუ ფერმენტირებული ხილის წვენი.
გამოიყენება პურ-ფუნთუშეულის საცხობად და არის 100% ბიო.
ამ საფუარს უპირატესობა ის აქვს, რომ იმ ხილის ან ბოსტნეულის ოდნავი არომატი იგრზნობა თქვენს ნაწარმში, რისგანაც დამზადებულია ეს წყალი.ამ საფუასრი წყლის დამზადება ძალიან მარტივია.
განიერთავიან ბოთლშო ჩავყაროთ 120 გრამი ხილი, ან ჩირი, დავასხათ 600 მლ. წყალი 30 გრადუსი და 20-30 გრამი თაფლი ან შაქარი. დავახურავთ ჰერმეტულად, შევანჯღრევთ და დავდგავთ 27-30 გრადუს ტემპერატურაზე. უმჯობესია დღის განმავლობაში რამოდენიმეჯერ შევანჯღრიოთ.შენჯღრევის შემდეგ მოვხადით თავსახურს, გამოვუშვებთ გაზებს და ისევ დავახურებთ. გაითვალისწინეთ, რომ ფერმენტაციის დროს გამოიყოფა გაზები და შენჯღრევის შემდეგ თავსახური ფრთხილად მოხადეთ. დაახლოებით 5-8 დღის შემდეგ წყალი უკვე იმდენად ძლიერი იქნება რომ პურის ცომი ამოიყვანოს. ამის დასატესტად 20 გრამ ფქვილს დაასხით 20 გრამი ეს ჩვენი ფერმენტირებული ხილის წყალი კარგად მოურიეთ დაახურეთ თავზე და დადგით ოთახის ტემპერატურაზე.. თუ მასა 12 საათში გაორმაგდა მაშინ უკვე მზადაა.
ამ წყლით შეიძლება ჩანაცვლდეს როგორც ძირითად ცომში გამოყენებული წყალი, ასევე ბიგას ან ავტოლიზის მოსამზადებელი წყალი. მთავარია დამატებით სხვა ინდუსტრიული საფუარი არ გამოვიყენოთ.
წყალი მრავლდება ძალიან მარტივად. ნარჩენ წყალს გადავწურავთ, ძველ ხილს ან ცომში გამოვიყენებთ ან გადავაგდებთ. 100 მლ წყალს (ფერმენტირებული წვენი იგულისხმება) დავასხავთ 600 მლ თბილ წყალს დავამატებთ 30 გრამ ახალ ხილს ან ჩირს და 20 გ. თაფლს ან შაქარს. თუ ხშირად არ აცხობთ ეს წყლის საფუარი შეგიძლიათ მაცივარში შეინახოთ. რეკომენდირებულია მაცივრის კარებში, რადგან ხშირად იღება და მოხდება მისი ხშირად შენჯღრევა :) ხოლო გამოყენებამდე 24 საათით ადრე გამოდგით, შეგიძლიათ გადაახალისოთ ხილით და უკვე მერე გამოიყენოთ.
🚫ხილი რომელიც არ შეიძლება გამოვიყენოთ წყლის საფუარისთვის:
მანგო
პაპაია
ანანასი
კივი