Այսօր առավոտս այսպիսին էր, բուրավետ ու քաղցր։ Այո, սինաբոնը դարչինով հասարակ քաղցրեղեն չէ: Այս շատ համեղ թխվածքն արդեն երկար տարիներ է համանուն բրենդի այցեքարտն է: Իսկ մեքսիկական «Expansion Magazine» պարբերականի կողմից «Սինաբոնը» ճանաչվել է կյանքի 50 ամենամեծ հաճույքներից մեկը։😄🙈
Ասում եմ բաղադրատոմս թողնե՞մ ։
Եվ ուրեմն սկսեցինք
300 մլ տաք կաթ
1թ/գ չոր խմորիչ
100 գ շաքարավազ
2 հատ ձու
80 գ կարագ
2գ վանիլին
500-600 գ ալյուր
Միջուկ՝
3֊4 ճ/գ դարչին
3ճ/գ շաքարավազ
30 գ կարագ
Դրոժը լցնել տաք կաթի մեջ, ավելացնել 1ճ/գ շաքարավազ և թողնել, մինչև դրոժը փրփրի:
Ձվերը հարել շաքարավազի հետ, ավելացնել հալեցրած կարագը, դրոժով կաթը և խառնել: Հետո աստիճանաբար ավելացնել ալյուրը և խմոր հունցել, որից հետո ծածկել և դնել տաք տեղ՝ բարձրանալու համար 1ժամ։
Երբ խմորը 2 անգամ կաճի, դնել այն ալյուր շաղ տված հարթության վրա, ծածկել և թողնել 10 րոպե: Տարայի մեջ խառնել շաքարավազը և դարչինը։
Բացել խմորը 40×50 չափի: Վրան քսել կարագ, տարածել շաքարավազի և դարչինի խառնուրդը։
Փաթաթել ռուլետի նման և կտրատել մասերի։ Բուլկիները դնել կաղապարի մեջ, ծածկել և թողնել 15 րոպե: Տաքացնել ջեռոցը մինչև 200 աստիճան։ Բուլկիները թխում ենք մոտ 20 րոպե։
***
Կրեմի համար՝ հարել 100 գ սերուցքային պանիրը, 50գ կաթը, 150 գ շաքարի փոշին և վանիլինը։
Քանի դեռ բուլկիները տաք են, վրան առատորեն կրեմ ենք քսում։
ԲԱՐԻ ԱԽՈՐԺԱԿ և չեք մոռանում ❤ դնել։