Tərkibi:
250 q yumru düyü
350 q şəkər tozu
300 q kərə yağı
700 ml su
50 q qoz ləpəsi
1ç.q sarıkök
Bir çimdik duz
Hazırlanması:
1. Düyü axşamdan yuyulur, üzərini örtəcək qədər soyuq su əlavə olunub kənara qoyulur. Ertəsi gün suyu süzülüb mətbəx dəsmalının üzərinə tökülüb 1 saat gözlənilir. Ətçəkən maşının xırda gözündən iki dəfə keçirlir, və ya qəhvəüyüdəndən keçirilir. Sonra yenidən mətbəx dəsmalına sərilib 2 - 4 saat ərzində qurudulur. Quruduqdan sonra ələkdən keçirlir.
2. Şərbət hazırlamaq üçün şəkər tozunun üzərinə su əlavə olunub ocağa qoyulur. Qaynamağa başladıqdan iki dəqiqə sonra ocaqdan götürülür.
3. Tavaya kərə yağı əlavə olunub qızdırılır, üzərinə hazır olan düyü unu əlavə olunub vaxtaşırı qarışdırılır. Kütlə kəhrəba sarısı olanda üzərinə sarıkök və duz əlavə olunub bir az da qovrulur və hazır olan şərbət əlavə olunub qarışdırılır. Ocağın hərarətli azaldılır, tavanın qapağı örtülür və 5 dəqiqə ərzində bişirməyə davam edilir. Zirətovun yağı üzərinə çıxanda ocaqdan götürülür. Üzərinə doğranmış qoz əlavə olunub süfrəyə təqdim olunur.
Qeyd: düyü ununu hazırlayib 1 ay müddətində sərin yerdə qapağı bağlı halda bankada saxlamaq olar.