#ಶ್ರೀ ಮಂಗಳಗೌರೀ ಸ್ತೋತ್ರಂ ॥
ನಾಲ್ಕು ಮಂಗಳವಾರ ಸಾಯಂಕಾಲ ಸಮಯದಲ್ಲಿ ಹೇಳಿ ಹಾಲು ಸಕ್ಕರೆ ಹಣ್ಣು ನೈವೇದ್ಯ ಮಾಡಿ ದೇವಿಗೆ ಮತ್ತೆ ಆರತಿಯನ್ನು ಮಾಡಿ
#ಶ್ಲೋಕ
ದೇವಿ ತ್ವದೀಯಚರಣಾಂಬುಜರೇಣುಗೌರೀಂ
ಭಾಲಸ್ಥಲೀಂ ವಹತಿ ಯಃ ಪ್ರಣತಿಪ್ರವೀಣಃ |
ಜನ್ಮಾಂತರೇಪಿ ರಜನೀಕರಚಾರುಲೇಖಾ
ತಾಂ ಗೌರಯತ್ಯತಿತರಾಂ ಕಿಲ ತಸ್ಯ ಪುಂಸಃ || ೧ ||
ಶ್ರೀಮಂಗಳೇ ಸಕಲಮಂಗಳಜನ್ಮಭೂಮೇ
ಶ್ರೀಮಂಗಳೇ ಸಕಲಕಲ್ಮಷತೂಲವಹ್ನೇ |
ಶ್ರೀಮಂಗಳೇ ಸಕಲದಾನವದರ್ಪಹಂತ್ರಿ
ಶ್ರೀಮಂಗಳೇಽಖಿಲಮಿದಂ ಪರಿಪಾಹಿ ವಿಶ್ವಮ್ || ೨ ||
ವಿಶ್ವೇಶ್ವರಿ ತ್ವಮಸಿ ವಿಶ್ವಜನಸ್ಯ ಕರ್ತ್ರೀ
ತ್ವಂ ಪಾಲಯಿತ್ರ್ಯಸಿ ತಥಾ ಪ್ರಳಯೇಪಿಹಂತ್ರೀ |
ತ್ವನ್ನಾಮಕೀರ್ತನಸಮುಲ್ಲಸದಚ್ಛಪುಣ್ಯಾ
ಸ್ರೋತಸ್ವಿನೀ ಹರತಿ ಪಾತಕಕೂಲವೃಕ್ಷಾನ್ || ೩ ||
ಮಾತರ್ಭವಾನಿ ಭವತೀ ಭವತೀವ್ರದುಃಖ-
-ಸಂಭಾರಹಾರಿಣಿ ಶರಣ್ಯಮಿಹಾಸ್ತಿ ನಾನ್ಯಾ |
ಧನ್ಯಾಸ್ತ ಏವ ಭುವನೇಷು ತ ಏವ ಮಾನ್ಯಾ
ಯೇಷು ಸ್ಫುರೇತ್ತವಶುಭಃ ಕರುಣಾಕಟಾಕ್ಷಃ || ೪ ||
ಯೇ ತ್ವಾ ಸ್ಮರಂತಿ ಸತತಂ ಸಹಜಪ್ರಕಾಶಾಂ
ಕಾಶೀಪುರೀಸ್ಥಿತಿಮತೀಂ ನತಮೋಕ್ಷಲಕ್ಷ್ಮೀಮ್ |
ತಾನ್ಸಂಸ್ಮರೇತ್ಸ್ಮರಹರೋ ಧೃತಶುದ್ಧಬುದ್ಧೀ-
-ನ್ನಿರ್ವಾಣರಕ್ಷಣವಿಚಕ್ಷಣಪಾತ್ರಭೂತಾನ್ || ೫ ||
ಮಾತಸ್ತವಾಂಘ್ರಿಯುಗಳಂ ವಿಮಲಂ ಹೃದಿಸ್ಥಂ
ಯಸ್ಯಾಸ್ತಿ ತಸ್ಯ ಭುವನಂ ಸಕಲಂ ಕರಸ್ಥಮ್ |
ಯೋ ನಾಮತೇಜ ಏತಿ ಮಂಗಳಗೌರಿ ನಿತ್ಯಂ
ಸಿದ್ಧ್ಯಷ್ಟಕಂ ನ ಪರಿಮುಂಚತಿ ತಸ್ಯ ಗೇಹಮ್ ||೬ ||
ತ್ವಂ ದೇವಿ ವೇದಜನನೀ ಪ್ರಣವಸ್ವರೂಪಾ
ಗಾಯತ್ರ್ಯಸಿ ತ್ವಮಸಿ ವೈ ದ್ವಿಜಕಾಮಧೇನುಃ |
ತ್ವಂ ವ್ಯಾಹೃತಿತ್ರಯಮಿಹಾಽಖಿಲಕರ್ಮಸಿದ್ಧ್ಯೈ
ಸ್ವಾಹಾಸ್ವಧಾಸಿ ಸುಮನಃ ಪಿತೃತೃಪ್ತಿಹೇತುಃ || ೭ ||
ಗೌರಿ ತ್ವಮೇವ ಶಶಿಮೌಳಿನಿ ವೇಧಸಿ ತ್ವಂ
ಸಾವಿತ್ರ್ಯಸಿ ತ್ವಮಸಿ ಚಕ್ರಿಣಿ ಚಾರುಲಕ್ಷ್ಮೀಃ |
ಕಾಶ್ಯಾಂ ತ್ವಮಸ್ಯಮಲರೂಪಿಣಿ ಮೋಕ್ಷಲಕ್ಷ್ಮೀಃ
ತ್ವಂ ಮೇ ಶರಣ್ಯಮಿಹ ಮಂಗಳಗೌರಿ ಮಾತಃ || ೮ ||