Mazali yupqa
✅ Kerakli masalliqlar:
Xamiriga:
300 ml iliq suv
1 osh qoshiq tuz
400-500 g un
Nachinkasiga:
5 ta piyoz
500 g qiyma go'sht
Murch,zira, tuz
0,5 kg qizil sabzi
🔹Tayyorlanishi:
Xamiri:
Iliq suvga tuz solib eritamiz. Oz-ozdan un solib o'rtacha qattiqlikda xamir qoramiz. Zuvala qilib 30 daqiqa tindirishga qo'yamiz.
Nachinkasi:
Piyozlarni videodagidek katta-katta qilib to'g'raymiz. Sabzilarni yirik qirg'ichdan o'tkazamiz. Tovada yog' qizdirib piyozni solamiz. Biroz qovurib qiyma go'sht solamiz. Ta'bga ko'ra ziravorlarni solib aralashtiramiz. Sabzini ham solib aralashtirib 10 daqiqa o'rta olovda dimlab qo'yamiz.
❣Sabzining yarmini sariq sabzi bilan almashtirishingiz mumkin.
Xamirimizni 15ta kichkina zuvalachalarga bo'lib kraxmal bilan yupqa qilib yoyib chiqamiz.
Quruq qizigan tovada yog' quymasdan solib bir tarafini ozgina pishirib keyin ikkinchi tarafini o'giramiz. Ustiga nachinkamizdan 1-2 osh qoshiq solib tekis qilib yoyamiz. Tepasidan 2-xamirni solib qo'limiz bilan tekislab tezda videodagidek ag'daramiz. Ustidan yana nachinka suramiz. Yana keyingi xamirni yopamiz. Shu ketma-ketlikda xamirlarimizning yarim qismini pishirib olovni past qilib 10 daqiqa dimlab qo'yamiz.
Qolgan xamirlarni boshqa tovada pishirib olish mumkin. Yoki pishiryotganimizni tovadan olgach ularni ham shunday pishirib olsak bo'ladi.
Chiroyli qilib idishga taxlab, joylab dasturxonga tortamiz
Yoqimli ishtaha💖