Рет қаралды 6,844
Բարի օր։ Սուրճասերների համար բերել ենք անչափ համեղ Տիրամիսուի բաղադրատոմս։ Տիրամիսուն դասական իտալական առանց թխման աղանդեր է մասկարպոնե կրեմով և սուրճի մեջ թաթախված նրբահամ սավոյարդի թխվածքաբլիթներով։ Անպայման փորձեք և կիսվեք մեզ հետ Ձեր գեղեցիկ նկարներով 🤎
Բաղադրիչներ`
• էսպրեսո սուրճ 1,5 բաժակ սենյակային ջերմաստիճանի
• կոնյակ 6 ճ.գ. (3֊ը սուրճի մեջ լցնելու համար, 3֊ը` մասկարպոնեի)
• սավոյարդի թխվածքաբլիթներ 38֊40 հատ
• 6 ձվի դեղնուց
• շաքարավազ ¾ բաժակ
• մասկարպոնե 450 գ, սառը
• սերուցք 2 բաժակ, սառը
• կակաո, վրան ցանելու համար
Փորձեք պատրաստել Մառանիկի շաքարավազով և կակաոյով։
Պատրաստման եղանակը`
Սուրճի մեջ լցնել 3 ճ.գ. կոնյակ, թխվածքաբլիթների կեսը թրջել մեջը շատ արագ, դասավորել 23×30 սմ չափի խորը ամանի մեջ։ Հարել ձվի դեղնուցները շաքարավազով ձեռքի հարիչով ։ Դնել գոլորշու վրա, անընդհատ հարելով եփել մոտ 10 րոպե, մինչև գույնը բացվի։ Վերցնել կրակի վրայից, շարունակել հարել մի քանի րոպե, մինչև սառի։ Դնել մի կողմ։ Մեծ ամանի մեջ հարել սառը մասկարպոնեն 3 ճ.գ. կոնյակով։ Ավելացնել ձվի դեղնուցով զանգվածը, շարունակել հարել։ Առանձին ամանի մեջ հարել սառը սերուցքը։ Հարած սերուցքը կես֊կես ավելացնել մասկարպոնեով զանգվածին, սիլիկոնե թիակով զգույշ խառնել։ Կրեմի կեսը լցնել թխվածքաբլիթների վրա, տարածել, հարթեցնել։ Վրան դասավորել սուրճով թրջած թխվածքաբլիթների մյուս կեսը, ծածկել մնացած կրեմով։ Հարթեցնել, ծածկել սննդի տոպրակով, դնել սառնարան ողջ գիշեր։ Հանել սառնարանից, վրան ցանել առատ կակաո։ Վայելեք 💚🌿
#Մառանիկ #շաքարավազ #կակաո #Տիրամիսու #Maranik
Հետևեք մեզ նաև ֆեյսբուքյան և ինստագրամյան էջերում 👉 / maranikarmenia
/ anushkitchen
/ maranik.am
/ anush_kitchen
Ինչպես նաև ՏիկՏոկում` www.tiktok.com...
և Տելեգրամում` t.me/anush_kit...