Рет қаралды 47,617
For Enquiries Jayadev: 9633605205
*** Follow us on ***
Instagram: / travel_gunia
Facebook: / travelguniaamindfultra...
WhatsApp: wa.me/message/...
പാതാളം എന്നൊക്കെ കേട്ടുകേൾവി മാത്രമേ ഉണ്ടായിരുന്നുള്ളൂ, ഈ യാത്രയിൽ ഞങ്ങൾ എത്തിച്ചേർന്നത് യഥാർത്ഥത്തിൽ പാതാള തുല്യമായ ഒരിടത്തു തന്നെയായിരുന്നു. തികച്ചും വ്യത്യസ്തമായൊരു അനുഭവം. കാവ് പോലെ തോന്നിച്ച വള്ളിപ്പടർപ്പിനുള്ളിൽ ഭൂമിക്കടിയിലേക്ക് ഒരു വലിയ പാമ്പ് വായ തുറന്നു നിൽക്കുന്ന പോലൊരു വിടവ്. ഇലകളുടെ വിടവിലൂടെ അല്പം വെളിച്ചം താഴെ എത്തുന്നുണ്ട്. പക്ഷെ നീണ്ട് പരന്നു വിശാലമായി ഉള്ളിലേക്ക് ധാരാളം ഭാഗങ്ങൾ പാതാള ലോകത്തിന്റെ ഭാഗമായി ഉണ്ടെന്നു മനസ്സിലായി. കയ്യിലുണ്ടായിരുന്ന വെളിച്ചം കത്തിച്ചു കൂടെ ഉണ്ടായിരുന്ന സുഹൃത്തുക്കളെ ധൈര്യം കൊടുത്ത് ഉള്ളിലേക്ക് പ്രവേശിപ്പിച്ചു. സാധാരണ ഗുഹക്കുള്ളിൽ മുൻപ് കയറിയ അനുഭവങ്ങൾ രൂക്ഷമായ ഗന്ധം നരിച്ചീറുകൾ അങ്ങനൊക്കെയാണ്. പക്ഷെ ഇവിടെ അതൊന്നും ഉണ്ടായിരുന്നില്ല. ഒരു വവ്വാല് പോലും കേറാൻ മടിക്കുന്ന ഒരിടത്താണ് വന്നുചേർന്നതെന്ന് ചിന്തിക്കാതെ ഉള്ളിലേക്ക് നീങ്ങി. ആഭിജാര കളങ്ങളെപ്പോലെ അവിടവിടെ മഞ്ഞൾപ്പൊടിയും അരിപ്പൊടിയും ചേർത്തുവരച്ച കളങ്ങൾ. പാതാളപൂജ നടക്കുന്ന സ്ഥലമായിരുന്നു അത്. വടക്കൻ മലബാറിലെ ഇത്തരം ആചാരങ്ങൾ പ്രകൃതിയുടെ പല രൂപങ്ങൾ മനുഷ്യനോട് കൂട്ടിക്കെട്ടുന്നവയാണ്. അങ്ങനൊരു കെട്ടുപിണച്ചിൽ ഇവിടെ വരുന്ന ഏതൊരാളും അനുഭവിക്കും. കോഴിക്കോട് ജില്ലയുടെ വടക്കൻ മേഘലയിലെ കൊയിലാണ്ടി പിഷാരികാവ് ക്ഷേത്രത്തിന്റെ എതിർദിശയിലെ വഴിയിൽ മുജുക്കുന്നെത്തിയാൽ വാഴയിൽ അമ്പലത്തിലാണ് ഈ പാതാളലോകം സ്ഥിതിചെയ്യുന്നത്. ഇത്തരം രണ്ട് ഭൂഗർഭ കാവാടങ്ങളാണ് ഇവിടുള്ളത്.
#anandabhadram #Location #Cave #exploration #travelgunia