Жаз басы, демек балық аулауға сапарға дайындалу керек. Демалыс күндердің бірінде, біздің ұжым қармақтарын дайындап, балық аулауға қажетті құрал-саймандарын жинастырып, Балқаш көлі маңына жолға шықты. Бұл жолы балық аулау саяхытымызда алға қойған жоспарымыз, өзеннің ең ірі жыртқыш балықты ауламаққа бел будық.
Ең үлкен олжалы балықты, 100 келіден асатын көп адам аулай алмайды. Әрі, сол мақтанышты сезіне білу бақыты бұйырмайды. Ал, біз осы саяхатымызда бағымызды сынап көрмекке бекіндік.
Жайын - бұл су астындағы ең ірі жыртқыштардың бірі. Бұл балық өзен-көлдің тұңғиығында, терең орындарда мекендейді. Салмағы ең ірісінің 300 келіге дейін барады. Мұндай ірі балықтар ғалымдардың пікірінше 80-100 жасқа келгендері.