Vishnu Puran Part 1 । विष्णू पुराण भाग १ । Shri Charudatta Aphale
पुराण क्र.०३ विष्णू पुराण - भाग ०१
वक्ता - श्री. चारुदत्त आफळे , पुणे
१८ महापुराणे -
ग्रंथ पारायण दिंडीचे कार्य दिनांक २४ फेब्रुवारी २००७ पासून सुरु झाले.या पारायण दिंडीचा हेतू वेगवेगळया ग्रंथांवर चिंतन, विवरण करणे, काहींचे पारायण करणे, त्या ग्रंथामधील वेगळया विषयावर चर्चा करणे जेणे करुन समाजाचे प्रबोधन होईल असा सातत्याने प्रयत्न केला आहे.
भारताची खरी थोरवी ज्या गोष्टींमुळे वाढली आहे,भारताला जी परंपरा लाभली आहे ती म्हणजे चार वेद, सहा शास्त्र आणि अठरा पुराणे. अशा अढरा पुराणांना आजच्या विसाव्या शतकात पुन्हा मान्यता मिळावी, त्यातील खरा इतिहास सर्व थरातील जनसामान्यांना समजावा, पुन्हा या पुराणांचा प्रसार व प्रचार व्हावा हयाच उद्देशाने हा प्रपंच मांडला. आपल्या देशातील विविध तीर्थक्षेत्राचे महत्व, पावित्र्य , तेथील निसर्गाची विविध रूपे, नद्या, वने-उपवने, तेथील आचार-विचार, विविध भाषा, जनसामान्यांचे जीवन हेच मानवी जीवनाचे मूल्य या पुराणांतर्गत विदित होते.
प्राचीन असुनही जी नित्य नवीन वाटतात ती पुराणे. भारताचीच निर्मिती नव्हे, तर जगाची निर्मिती- त्याची जडण-घडण, चालीरिती,समाजसुधारणा,कला-कौशल्य, जोतिष, सिद्धि, मंत्रतंत्र-शास्त्र, भक्ती - वैराग्य, सदाचार, निती अनिती, न्याय, तसेच धर्म व इतिहास, तिथी- नक्षत्र, कालनिर्णय,ग्रहण, सर्व शास्त्रविधा, ज्ञान-विज्ञान, आचारनिती, उपासना, व्रतवैकल्ये, स्वरांची निर्मिती, संगीताची निर्मिती, अष्टांगयोग, आयुर्वेद, पर्यावरण, पाणी योजना पुढे विशेष करून श्राद्ध विधीचा महिमा, मानवाची मृत्यूनंतर होणारी गती याचा उहापोह या पुराणांच्या माध्यमातून समाजापुढे येतो. याचा शास्त्रार्थाने विचार केल्यास नक्कीच मानवी जीवन सुखी-शांतीमय होईल यात संशय नाही, आणि हीच काळाची गरज आहे.
(हे प्रत्यक्ष ध्वनीमुद्रण मंदिर अथवा सभागृहांमध्ये केले असल्याने त्यात ध्वनीमुद्रणाचे तांत्रिक दोष असू शकतात.)
डिजीटल रिमास्टरींग व प्रक्रिया व निर्मिती - आशिष केसकर, Orion Studios, Pune
संकल्पना व आयोजन - श्री. विरेंद्र कुंटे गुरुजी, ग्रंथ पारायण दिंडी, पुणे