#移民故事 #多倫多 #加拿大
「Hello，我係Fanny，Fanny Lee，多倫多地產經紀，服務大多地區已經超過15年……」有留意《住加》頻道的朋友，對不時帶我們睇樓的Fanny（李蕙芬）不會陌生；已服務大多地區15年的她，作為一個回流人士，自然不會從頭到尾都一帆風順……
「我喺香港中學畢業後就去美國讀書，因為97關係，父母話搞移民，之後嚟咗加拿大多倫多。」不過Fanny坦言，當時遇上加拿大經濟蕭條，多倫多不少商場連周末也沒有營業，所以甫「坐完移民監」就返港。
Fanny回港後任職過多間金融機構，在財金圈打滾多年，培養前瞻性視野，尤其隨著BB出世，想找一個適合囝囝成長的地方，「應該搵夠先走定重新嚟過？」幾經掙扎，終決定一家三口移民加拿大，「我哋捱過董伯伯（董建華）時代，經歷過負資產，到香港經濟從谷底回升時走；當時好多朋友都驚訝，點解由低變高時走？」
回流決定說難不難，但到埗後才是艱難的開始，Fanny不介意由低做起，但「15年前想搵工好難，當時多倫多冇依家咁多工種，開頭係好痛苦；一直冇人請，求職信冇回頭……」；到終獲citibank面試，卻被要求刪減履歷，「主管話，你個resume咁樣我哋好難請你，不如你cut晒resume嘅嘢，cut剩關於customer service嘅嘢啦……」。後來經另一間銀行職員介紹，Fanny開始學做按揭，「做mortgage broker要考牌，冇人工，淨係靠佣金，都要做；之後覺得呢行唔太適合自己，就轉去real estate」。
惟轉職地產經紀，困境依舊，Fanny含淚說：「真係好難，回流後其實不斷讀書，考牌。考地產經紀牌要半年至9個月至完成幾科，成件事要幾年，可以話係投資期；但就算攞到牌都係做唔到，因為要時間建立聲譽，客戶嘅信任……開頭嘅階段，真係好難……」
雖說一家三口移民，但由於只得Fanny擁有加籍，丈夫Dan不能工作，由昔日在港的能者，變成「女主外男主內」，Fanny指，「大家都辛苦，老公以前喺香港好強，過到嚟湊仔煮飯……」。Dan坦言夫妻移加早期沒有人脈，發展遇阻滯，自然有拗撬，「唔係話為特別一件事嗌交，係累積嘅，好似食完嘢未消化咁，一嘢嘔晒出嚟」。
幸好，風雨總有限期，「簽到第一張單，好開心，亦鬆一口氣，開始摸索點樣可以做好啲，好似終於搵到方向嗰種感覺」，有第一張單後，第二、三、四張單陸續有來，Fanny開始忙過不停，一步一步建立如今的事業。
苦盡甘來，想起當初回流都是為了囝囝Ian的成長，Fanny表示，「無論幾攰，我朝早一定車佢返學，因為可以同佢傾偈；喺我嘅規劃裡面，囝囝永遠排第一，有咗呢個次序後，其他生活細節就識得點樣平衡」。Ian自小有音樂天份，在多倫多讀書亦成為約克教局的狀元，更成功入讀哈佛，真的要聽聽Fanny培養孩子的心得。
硬淨、遇強越強、面對風浪仍堅持信念的Fanny，強調自己一直是香港人，「我成日都會返香港，因為我愛香港；但同時間我亦好鍾意加拿大，係加拿大人，因為呢個國家俾咗好多機會我，既然我選擇移民加拿大，就一定要喺度紮根」。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
住加男人KZfaq及Patreon會員專享獨家直播及Discord對話區
Patreon會員： / canmen
KZfaq會員：bit.ly/2PwNskm
PayPal單次支持住加男人：www.paypal.me/canmen
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
「住加財經」加港財經資訊頻道
/ @canfinca
「住加男人」Facebook專頁
/ canmenca
「住加男女」Facebook群組分享加港資訊及新聞
/ 859426267552840