Рет қаралды 16,023
#BirBax #xalqtəbabəti #şəkər
Uşaqkən əlimizə pul keçən kimi tez dükana qaçardıq. Sarı, qırmızı, qara rəngli şirin, qazlı içkilər alar, tələsə-tələsə içərdik. Gəncliyimizdə də menyumuzdan əksik olmadılar. Axırda nə oldu? Bəli, orqanizmimiz məhv oldu. Sizcə bu içkilərdə nə qədər şəkər var? Araşdırmalara görə, 500 ml içkidə 10 çay qaşığı qədər şəkər ola bilər. Üstəlik, bu şəkərlərin mənbəyi şəkər qamışı deyil. Bəs nədir? Biz nə içirik? Bu videomuzda sizə çox maraqlı bir araşdırma təqdim edəcəm. Diqqətiniz məndə olsun!
Dövrümüzdə xüsusilə gənclərin və uşaqların əlindən düşməyən bu məhsulların istehsalında “qarğıdalı siropu” adlanan yüksək fruktozalı şəkər istifadə olunur. Qarğıdalı siropu ilə şəkər qamışı arasında fərq nədir?! Gəlin buna baxaq. Qarğıdalı siropunda fruktoza molekulları daha sərbəstdirlər. Şəkər qamışının keçdiyi etaplardan keçmək məcburiyyətində deyillər. Məhz bu xüsusiyyətinə görə, daha sürətlə mənimsənilir. Ən çox da qaraciyərdə anidən meydana çıxan problemlərə səbəb olur. Bəli, qaraciyər məcburdur ki, fruktozanın öhdəsindən gəlsin. Fruktoza alkoqol kimi hərəkət edir. Yəni bədən ondan enerji sərfiyatında istifadə etmir, birbaşa yağa çevrilir.
Qarğıdalı siropundakı fruktoza doymaq hissi yaratmadığından içdikcə içə bilirik. Dayanmadan bu cür içkilərdən içmək uşaqlar üçün zərərlidir. Qarğıdalı siropunu meyvələrlə müqayisə etsək, görərsiniz ki, ondakı fruktozanı meyvələr vasitəsilə almaq üçün kilolarla meyvə yemək lazımdır. Qazlı içkilər vasitəsilə yüksək miqdarda fruktozanı qısa zaman ərzində qəbul edirik. Təhlükənin böyüklüyü haqqında fikriniz varmı? Qazlı, şirin içkilərdən lif almırıq. Bu da birbaşa qəbizlik yaradan səbəbdir.
#şirin #diabet #təzyiq
Haqqında danışılmayan bir nüans da budur: hazırda istehsalatdakı qarğıdalıların əksəriyyətinin geni dəyişdirilib. Bu nüansla bağlı ətraflı şəkildə başqa bir videomuzda sizə məlumat verəcəm. Keçək şirin içkilərdəki fruktozalara. Fruktoza qaraciyərdə yağ əmələ gəlməsinə səbəb olur. Bəzən deyirlər: “Filankəs alkoqol da qəbul etmir, amma qaraciyəri yağlanır”. Səbəb bayaqdan bəri, haqqında danışdığım fruktozadır. Bu fruktoza qazlı sudakı kofeinlə birləşəndə qan təzyiqinə, ürəyə, beyinə də təsir edə bilir. Nəticədə, əhval-ruhiyyəniz də korlanır.
İçkilərə ortofosfor turşusu da əlavə edilir. Bu, sümüklərimizə, kalsium səviyyəmizə təsirsiz qalmır. Üstəlik Böyrəklərimiz ortofosfor turşusunu, kofeini və fruktozanı heç də xoşlamır. Fast-food restoranına getdiyimizdə burqer, çörək, kartof qızartması yeyir, yanında da, ən azı, 200 ml qazlı, şirin içki içirsinizsə, vəziyyət ağırlaşır. Qlikasiya yaranır... Qandakı proteinlərdə, beyində, böyrəklərdə, gözlərdə problemlər baş qaldırır. Mənfi təsirlər təkcə bunlar deyil... İltihablanma başlayır, diabet riski artır...
#qaraciyər #qan #sağlamlıq
Harvard Universitetinin əməkdaşlarının nəşr etdirdiyi bir məqalədə qeyd olunur ki, dünya üzrə qəbul edilən qazlı, şirin içkilər indiyədək 180 mindən çox insanın həyatına son qoyub. Ümumdünya Səhiyyə Təşkilatı isə bu cür içkilərin uşaqlardakı köklükdə payı olduğunu vurğulayır.
İndi də keçək, İçki sənayesindəki gəlir çəkişmələrinə
“Bu cür içkilərin uşaqların kök olmasında payı var” fikrini ÜST-ün direktoru olmuş Marqaret Çan söyləmişdi. Təbii ki, içki istehsalı ilə məşğul olanlar onun bu sözlərini bəyənməmişdilər. ABŞ-ın Xəstəliklərə Nəzarət və Profilaktika Mərkəzi, həmçinin, Məlumat Alma Azadlığı Hərəkatı da Çanın bu fikrinə qarşı çıxmışdılar. Sonradan aparılan jurnalist araşdırmaları göstərdi ki, Amerikan İçki Dərnəyi ilə Xəstəliklərə Nəzarət və Profilaktika Mərkəzi arasında səmimi dostluq münasibətləri var. Və bu iki qurumun nümayəndələri dəfələrlə çıxış edərək Çanın fikrini bəyənmədiklərini dolayı sözlərlə dilə gətirdilər.
İnternetdə azacıq araşdırma aparsanız, bu cür məsələlərlə bağlı çox məlumatlar çıxacaq qarşınıza. “Gəlir çəkişmələri” daim mövcud olub, var, olacaq da. Bəzi içkilərin reklamında deyilir: “Arıqladır”, yaxud, “Artıq çəkiyə nəzarət edir” və sair. Amma özləri məhz bu kimi problemin qaynağı olan içki satırlar. Təəccüblüdür, hə? İndi sizə bir məlumat açıqlayacağam. 2009-cu ilin sonu-2010-cu ilin əvvəlində içki sənayesi reklama 30 milyon dollar xərcləyib. 30 milyon dollar... 1 il ərzində. Nə isə... Mövzumuza qayıdaq. İçkilər sağlamlığımıza necə təsir edir?
Qazlı, şirin içki içdiyimizdə qısa müddət ərzində bol miqdarda maye şəkər qəbul edirik. Bu şəkər mikroblar, göbələklər, bakteriyalar, xüsusilə, kandida göbələkləri üçün mükəmməl qidadır. Mütəxəssislər dəfələrlə qeyd ediblər ki, kandidadan əziyyət çəkənlərin əksəriyyəti şirni sevənlərdir. Yüksək miqdardakı şəkər immunteti aşağı salır, nəticədə, orqanizm infeksiyalara açıq olur. Bir araşdırmaya görə, şəkərli içki içildikdən 30 dəqiqə sonra bu mənfi təsirləri müşahidə etmək mümkündür.