Рет қаралды 225,912
HEESTA : Dhalanteed
ERAYADA: Maxamed cali kaariye
CODADKA: Xasan Diiriye iyo Hiba Nuura
LYRICS: DHUGMAAL LYRICS
QORAALKA HEESTA (LYRICS)
Xasan Diiriye*************
Nimuu dhabarku jabanyahay
Dhaqdhaqaaqi maayee
Sidaan dhawr habeen qaday
Dhafooradu I jiidmee
Waa dhaawacaagii
Waxaan aan la dhuubtee
Markii aan ku dhawraba
Dhibaa ii kordhaysee
Hiba nuura****************
Markii hore dhitiyo subag
Dhaay baan filaayee
Dhiil madhan adoo sida
Dhabta igaga tuurtee
Dharab orodka xoolaha
Dhurwaagaa ku laayee
Ani dhadiyo ceeryaan
Ha i oran ka dhaansee
Dhalanteedku waa midaan
Iga dhaadhacaynee
Xasan Diiriye******************
Ninkii dhiiranaan jiray
Wakhtigaa dhantaaloo
Dhaaxaan itaalkay
Amba dhaban adaygee
Dhudhuniyo lixaadkii
Wax ku dheefi waayee
Hagar Kuguma dhaafine
Dhadhaab bay i horyaalee
Hiba buura********************
Aqal dhinac banaanyahay
Dhaxan kaama celiyee
Dharaartii aan baahanaa
Igu dhega adaygtee
Dhuubkaa kolay tahay
Kaama helin dhaqaalee
Waa adigii I dhigay meel
Dhamac iyo abaaroo
Dhalanteedku waa midaan
Iga dhaadhacaynee
Xasan Diiriye********************
Sida Dheeha geeloo
Dhameel hawdka daaqdoo
Dhanihii bullaaliyo
Dhoobaale joogtaa
Ama tahay dhir canabaad
Dhaayaha u roontee
Wali waan dhursugayaa
Inaan wada dhammaynee
Hibo nuura********************
Ninkii dhuumanaayee
Dhabarkiisu muuqdee
Dhaqsa loo ogaadaa
Sidiisii ka dhigantoo
Hadalkaa dhan saarka
Kaa dhagaysan maayee
Haddii ay dhab kaa tahay
Dhaar ma ii maraysaa
Mise kala dhaqaaqnaye
Sidaasaan ku dhaafnaa ?
#dhugmaal_lyrics