之前小米出過嘅吸塵機械人都係吸塵功能為主，就算之前出過一個有抹布嘅型號，都只係得一個好細嘅水箱配合一塊抹布，而今次小米掃拖機器人 X10+ 就真係唔同喇，主要真係sale長時間大範圍幫你吸塵拖地兩樣都做晒。
成部機分做兩個部分，一個底座同一部主機。底座部分打開上面個蓋會見到入面有兩個2L嘅水箱，一個用黎儲污糟水、一個就用黎裝乾淨水。兩個都可以拆出黎直接喺水喉下面裝水同星盤倒水。
下面蓋打開會見到有一個塵袋，用力儲著吸左嘅塵，而塵袋係可以拆出黎換嘅，佢亦本身已經配備多左個比你。望到最下面就係個機械人休息嘅位，會有個清洗盤比機械人完成佢吸塵拖地嘅使命之後返去底座嘅時候清潔返個拖把等等，而呢個清潔盤都係可以拆得出黎嘅。
輪到部主機，即係個機械人自己。首先我地反轉佢個底可以見到有2個拖布盤，一睇就知用黎拖地啦；另外中間就係吸塵主要用嘅刷，側邊會有個3掃嘅邊掃，呢3個部件都可以拆出黎洗，唔怕長期咁樣吸塵拖地，底座又未必清得乾淨、污糟邋遢。主機入面會有一個塵盒，吸左個啲塵就會走晒入去。塵盒都一樣可以拆出黎，揭開塵盒個蓋就可以直接拎去水喉下面洗，咁究竟部機械人冇眼冇腦點解識得自己睇路吸塵架呢？
其實主機上面會有一個sensor，叫做LDS雷射感應器，可以sense到周圍嘅空間，部機嘅前面會有一個AI視覺識別感應器，即係有個鏡頭可以辨認到究竟前面嗰個係凳係檯定梳化，跟住就識得自己避開佢，側邊再會有 線雷射傳感器 同埋邊沿感應器，total用左4種sensor做佢隻眼同腦，去偵測隔離附近環境係點同有啲咩野。不過就算佢唔小心撞到其他野都好，佢機前面會有一個碰撞緩衝板，等佢唔洗一下撞落部機度。落部機度。
呢一部吸塵機械人一樣係需要配合小米米家手機app黎用嘅，down左個app，將主機上面嘅home制同開關制同時gum實，聽到部機話你知等待連結，見到兩盞燈都閃下閃下就得，係app度揀返呢個device，佢就識得自己connect。成功connect左之後，我地就可以開始清潔架啦。
早前已經連左個app嘅話，之後就可以直接喺主機gum開關制叫機械人開始清潔，或者喺底座上面會有三粒制，分別係退出底座、啟動掃拖同烘乾拖布功能。
部機會幫你喺吸緊塵，遊走緊成個area嘅時候就會幫你建立一個地圖，偵測到究竟你屋企或者office地形係點嘅，2D定3D都有，吸緊塵拖緊地嘅時候，佢仲會幫你建立一個路線圖，你可以係個app度睇住部機去左邊、清潔過邊度、底座放係邊度。咁機械人就會一路自己出水比個拖布，拖布就會一路zhut乾淨個地，而個掃刷就一個一路吸塵一路掃乾淨個地下，吸晒入頭先講過嘅塵盒入面。部機會跟住佢偵測到嘅房間逐個清潔，由外圍清到內圍。
如果入房有膊位，部機可以爬升到最多2cm，唔怕佢唔識自動走入房。又如果你屋企或者office有地毯地，淨係想用吸塵功能嘅話，可以喺app度揀返淨係吸塵，不過官方就話唔建議喺地毯用。除此之外都可以揀淨係拖地模式或者本身嘅掃拖模式，喺office或者屋企有bb訓緊覺怕嘈嘅話可以揀安靜模式，仲可以選擇強度，適合吸地毯或者長地毯嘅時候用。就算係拖布嘅濕水程度都可以揀。
App 嘅上方仲會顯示住佢已經幫你清潔左幾耐、total清潔左嘅面積有幾多、同埋主機仲有幾多電。當主機唔夠水嘅時候，佢會識得自己返去底座補水之後再繼續清潔。
完成晒成個程序，佢會識自動返去底座叉電，然後收集返主機塵箱入面嘅塵入塵袋，同埋自動烘乾返拖布，等塊布唔洗up住啲水。聽落係咪好正呢？不過…
真實試落佢嘅烘乾功能就麻麻地，佢聲稱2小時就可以完全烘乾，但實際係咪真係叫烘乾晒就見仁見智，我肉眼睇個清潔盤就仲有勁多污水跡，摸落去塊拖布都唔算乾。
清潔盤嗰個位積住個啲污糟都真係幾核突，我只係用左幾次就已經咁樣。就算個盤可以拆開洗，但係個盤嘅底都係冇得洗，只可以抹。個位仲要好kick，要mou低伸手入去抺先得。如果只係普通嘅塵都仲好啲，積左喺清潔盤最多都係唔美觀，但如果拖個啲係倒瀉左嘅食物嘢飲、有味甚至惹蟻嘅話，頂盡俾你拖一兩日先清潔個盤，但如果一路都唔清潔嘅話，我諗嗰度先係最污糟嘅地方，甚至惹埋晒啲蟻啊甲甴黎開 Party。
不過點都好，呢個拖掃機械人擺office用又真係幾方便，可以省返請一個清潔姐姐嘅成本，只係搵個同事得閒幫佢refill水箱同倒水，間唔中洗個啲配件就可以。就算覺得office太多人走黎走去唔方便比個機械人周圍拖地吸塵，唔怕，仲可以set定預約清潔時間，等同事收晒工，佢先自己走出黎清潔。
3915不過如果係買返屋企用嘅朋友仔就真係要考慮清楚喇。呢個新款比起以前個水箱係就係好大，但係香港地大家屋企係咪真係有位可以spare黎放個底座呢？另外佢清潔緊嘅時候係可以較安靜模式，淨拖地嘅時候的確係可以好靜，靜到我試嘅時候，佢喺我腳底我都唔知，但係返到去底座嗰度清潔烘乾返個拖布同補水嘅時候就真係好嘈，仲要係突然就「轟轟轟」咁樣聲完全冇預警。如果屋企有小朋友或者寵物貓貓狗狗，就要考慮下怕唔怕小朋友或者貓貓狗狗比佢嚇親。
同埋講真啊，大家想買呢個掃拖機械人都係想懶，翹埋雙手等佢幫你自己整乾淨間屋，但事實上其實佢只可以幫你省啲力，完全靠晒佢真係冇可能。
首先佢就算清到梳化底都一定清潔唔到啲轉角窿窿啦啦，跟住佢拖地只係幫你zhut到個地板，但係水箱唔可以加消毒劑就真係冇辦法幫你消毒。假如平時你一星期清潔5次，你最多可以依賴佢幫你3次，另外2次都係你自己落手落腳清潔先真係乾淨。
____
智能家居系列： • 10 大好推介｜Android TV App...
Android TV 教室： • 10 大好推介｜Android TV App...
iPhone 教室： • 10 大好推介｜Android TV App...
IP Camera 橫評系列： • 30 款 IP Camera 橫評 馬拉松｜...
產品橫評： • 30 款 IP Camera 橫評 馬拉松｜...
選購指南： • 【SD Card / microSD 記憶卡...
____
追蹤 AD研究所 即時動態⬇︎
KZfaq ☛ buy.audiencedigest.info/youtube
Instagram ☛ instagr.am/audiencedigest
Facebook ☛ audiencedigest/
____
橫評系列都係自費，連贊助產品都唔接受，所以橫評後產品都會賣出來幫補家計，入來望下睇下啦喂！
橫評系列：buy.audiencedigest.info/review
樣品發售：buy.audiencedigest.info/sample
____
主持：CLONG
撰稿：CLONG
拍攝：KAI
剪接：KAI
____
#AD家庭電器系列
#AD智能家居系列
#評測 #小米 #掃拖機器人
#廣東話 #粵語KZfaqr #廣東話KZfaqr
____
0:00 小米掃拖機器人開箱 開場
0:45 送禮活動簡介
0:57 小米掃拖機器人 X10+ 硬件說明
2:11 小米掃拖機器人 X10+ 感應器功能
3:47 小米掃拖機器人 X10+ 手機連接使用說明
6:46 小米掃拖機器人 X10+ 缺點 & 使用後感
8:18 小米掃拖機器人 X10+ 最佳使用場景
9:46 小米掃拖機器人 X10+ 評測總結