我兩年前因為脂肪肝，就的起心肝168+低碳，減咗30磅，除咗減到磅，最驚喜嘅係一向係超敏感腸胃，成日肚屙，改變咗飲食之後，腸胃正常返好多。我唔會好嚴格咁完全唔食澱粉質，一星期梗有一兩日會照食，仲會食甜品，最重要真係要搵到自己舒服嘅方法，同埋可以持久咁執行就最好😊

同意你所講，所有野都係要自己引證，我都分享下少少心得 我過往一路都係個大肥仔，最高峰去到超過310磅，早兩年的起心肝去減，結果一年時間就減左150磅，變返正常身形同生活，睇左好多唔同嘅理論，咩小食多餐呀乜都有，不過我本身係個食肉獸，又想係唔減咁多肉嘅同時去減到肥，結果就嘗試低碳同生酮 其實所有野都係心態，肯嘗試同引證，再加自己嘅意志同毅力，就會搵到套啱自己嘅方法，人地講嘅唔一定啱自己，就等同生命等如不斷學習同經驗一樣 一開始我係先行斷食同低碳，168斷食對我黎講好易，因為我習慣唔食早餐好多年，只係捱多陣推遲啲食，由於一下子戒澱粉同糖好難，所以循序漸進等自己身體去適應，最主要係等自己意識上唔好咁辛苦，因為人就係太習慣某啲模式先會咁 我由低碳慢慢變成生酮，運動其實都重要，不過唔好死做爛做，要有休息規律，因為運動對減肥嘅幫助只係2成，但佢最大作用係加速新陳代謝，令減磅事半功倍，同時足夠休息都係減磅嘅重要部份，訓得多會肥又係信口雌黃，訓覺其實都會燃燒 辛苦都一定架喇，但心態唔好覺得係地獄，得閒都真係要俾甜頭自己，因為人體有保護機制，到某個位置身體因為你減左磅而覺得你係咪進入飢荒，會自動變成儲存脂肪，即係平台期，要做嘅就係好好慰勞自己嘅努力，搵3至5日去食返你好耐冇食過嘅野，粥粉麵飯乜都得，但記得識收同節制，唔好前功盡廢，開心完之後記得又keep返，咁你就會更開心見到跌磅 世事就係憑我地自己去經驗，我小小分享都唔係定論，到今日我自己身邊都有人會質疑我呢種方法，離不開唔食早餐得唔得架，食咁多肉唔健康架，唔食飯唔湊米氣架，其實唔洗理人點講，去實踐就係最佳方法，等如我地嘅靈魂選擇左當下嘅軀殼也好，我地要做嘅就係體驗，正如係身心靈上都唔同範疇，有結合科學嘅理論，例如宇宙、時間、空間，亦都有我稱之為術嘅方式（冇冒犯之意），例如催眠、阿卡西等，其實我地都係搵緊唔同方法去吸收，有心就會綜合唔同嘅野去搵套啱自己嘅方法 睇完呢條片嘅同時，我近排都肥返少少，又係時候去實踐返

醫生身份之一係藥廠sales

減糖真係好明顯，我自己鍾意食粉麵，次次食完大碗麵，第二朝磅重一定肥1KG以上，唔知咩原因。後黎慢慢check資料發現，當碳水哩類嘢轉化為醣後，每一個醣分子都會有水份包住佢，鎖住水份，所以會增磅同水腫，特別係自己新陳代謝又慢，好難代謝啲碳水醣類。宜家睇返以前啲相經常塊面腫腫，好似發脹咁，但其實體重正常又唔係肥。最近一兩年減醣後真係好佐好多，無曬浮腫。Wellen講得啱，飲食要根據自己身體條件去慢慢試，慢慢調整，搵到最啱自己既方法，而唔係求其跟風啲網上千奇百怪既方法。

Hello. 你對168和斷食解釋得真係👍。我都係實行168，一日兩餐差不多一年啦。亦係 Dr. Eric Berg, Dr Jason Fung 粉絲。少糖，澱粉適量每餐30-50 gm 左右。每日11am食brunch，下午5點左右食第二餐。愛牛油，炒滑蛋，每日必定食一磅煮熟綠色蔬菜，3隻炒滑蛋。包括各式肉類海產除左牛肉。4-5個月左右，體型由size4變番size2,無皺皮。張會試一試24小時斷食。

我現時都在進行盡量一日一餐，最多都係兩餐（當然我都係盡量少糖及炭水化合物，但間中都會放縱一啲），我身體明顯都健康咗，應該係畀到內臟有休息時間，亦可以令身體減少吸收過多嘅熱量或營養，畀到自己身體可以進行自我修復。

女性，今年55，高161米，八個月重72，6kg，驗身報告食埋藥，血脂，甘油三脂等等超標，之後用168斷食，減醣，211餐盤，再每日飲水（身體體重x40ml).現在體重61kg，十二中剛驗完身.所有指數回落至正常水平仲好靚既水平，（仲有加適量運動），大家加油

其實你所有片都好睇，因為你的片真係提供左好多生命旅程上，心靈上，身體上的資訊比我地去認識，其實真係好開闊視野，謝謝你Wellen.祝所有人身體健康❤

因為身在異地，見到香港街景好開心，所以好喜歡咁樣傾計👍🏻 但其實平時Wellen 室內studio都好靚好簡潔👍🏻所以室內室外都喜歡，當然最重要最好係Wellen 節目內容豐富吸引

一個小小嘅建議，如果係食緊糖尿藥嘅糖友，斷食之前要同醫生商量，因為D藥需要減下。

感謝🙏 我都有睇果個美國醫生 由於已66歲 先開始睇 好多嘢一知半解 但你講的 我又好似明多少少 兩個月前 由168 到186 再到222 精神狀態非常好 但 有時真係想偷嘢食 唔係身體需要🤔 總之多謝晒 我會加油 再講 我肥咗幾十年 而家喺要收尾嗰幾年 唔好連累啲後生 同辛苦自己

其實 胰島素嘅作用 只是一半 說對 對於有負重運動的人和平日運動開的人碳水化合物是必須的 所以完全唔吸收澱粉質是不可能 對身體仍未必有益 最主要的是你如何運用糖 如果你身體有大量運動消耗其實糖就係等於你身體嘅能源 如果完全唔吸收碳水化合物我哋日常運作嘅能源從何方面吸收呢， 只要做到均衡吸收均衡支出， 身體係唔會出現炎症的 所以日常嘅運動量 是很緊要的 單純控制吸入 我覺得唔係絕對嘅健康 但係我絕對認同 闢穀 因為修行人絕對需要

做左168N年，最近半年做埋乾斷食， 減糖減甜品，繼續喜歡食澱粉，整個人都輕鬆左，體脂減左，精神左，好瞓左，重點要恥聽自己身體，循序漸進，就越嚟越舒服

斷食 讓胰島素休息，升糖素起來作用分解脂肪. 斷食超過 18 小時 "細胞自噬" 清理內部的損傷，進行修復和更新.

8 個月前身體檢查 血糖正常. 但用餐后升糖 已到 2 型糖尿病初期, 沒有吃處方藥. 戒糖 戒澱粉質低碳/生酮飲食, 不吃植物種子油 (MTC油 椰子油 extra virgin olive oil 除外) 食材有機蔬菜, 草飼牛肉, 野生鮭魚…動物脂肪.. 每星期168 123 24小時 有規律間歇性斷食. 今年再身體檢查巳正常

我在一年前採取Keto的飲食方式，再加上168的進食分配，和少量的運動，由203磅減至現在155磅，戒糖戒澱粉係非常重要，完全同意版主的觀點，減磅期間只需注意蛋白質的吸收不可缺少。

補充一小點。 蛋白質 特別動物蛋白 一樣會引起胰島素分泌 所以建議最好係先食膳食纖維 蔬菜類唔包括澱粉類蔬菜 然後肉 最後先食澱粉 當然最好係蕃薯/粟米原型澱粉 另外就為左唔好咁容易餓可以食蛋白質儘量搵多少少油份 飽得耐d 排便都會容易d 可以search 下211餐盤 基本咩都食得 而且已經非常多台灣人做211 +168 血糖穩定 有時太想食澱粉飲珍奶 可以傍晚6點前食左佢就足夠時間燃燒糖份 唔會儲存係肝臟 淨係168斷食 大約第4週先會開始燃燒內臟脂肪 所以實際開始落磅要大約到6週 貴在堅持 大家加油 ❤

另外我都試過連續七日斷食，只係飲清水去渡過，頭腦的確係好清晰，在於身心靈角度係完全清空自己，打坐各方面都會有所幫助，不過在於身體角度真係唔可以成日長斷食，我諗一年頂多只可以做2、3次，每日168就冇問題，真係每樣野都要衡量下自己

講得好岩！ 靠自己印證係最好的。我同Wellen 既飲食習慣9成似，低碳168左超過一年，已去返自己後生最fit身型，精神左。好多人一聽到斷食（or唔食早餐）就話唔可以，會餓。餓唔餓要睇你另外果兩餐食左乜。其實食得夠（好既）脂肪同蛋白質，個人自自然然唔餓，反而碳水愈食愈快餓就真。現代人同以前唔同了，好多已唔係體力勞動工作, 飲食習慣都應該有改變。

今集落街行下都幾好，資訊內容又豐富，感謝你嘅熱誠 ，腳痛都落街拍片 !🙏👍 楊定一也是我能感受到愛與慈悲的靈性導師! 🙏🤩

Hello 我已減食粥粉飯麵糖幾年了，感覺良好，而且身體健康。我都是經常斷食的，有時都會做24嘅，其實真係可以適應到。我進行的是低碳飲食。

Break fast 早餐由來 break fasting (打破斷食）都市生活既人比較適合晤食早餐，但係我自己係唔食晚飯。一樣對身體好好，斷食之後體味都會清新左。真係要比自己五臟六腑休息一下❤

多謝 Wellen Time👍

簡單易明，多謝分享！

我戒左紅肉約三年 皮膚好左好多 糖就盡量可免則免 終極目標係食素❤‍🔥

感謝分享。很有用。

好多謝Wellen既分享，獲益良多👍🏻🙏🏻

個人經驗，十多年前因自己是在家工作又係工作狂，每日到四五點先會落街食個大家樂下午茶餐，起身後就工作飲水，不停飲，食完大家樂後會回家煮輕食，再食些水果，九點過後不會再食，因要做野，多年了，完全無問題，胃無痛人又覺精神，但再做回朝九晚五，和希望身體健康啲時，就做回一日三餐定時食，過了一段時間，人無咁有精神胃痛舊病又復發。依家都要朝九晚五，但不再三餐了，一日兩餐沒早餐，幾年了，可以說完全無問題，而肯定一樣係，宵夜會整壞胃，個人食一段時間宵夜就會出事。依家放假仲要係一日一餐，肚餓就飲水，仲要人唔好緊張，緊張都係一個胃痛原因，人嘅情緒對身體影響有幾嚴重，另一個節目周生都講左。

Thank you Wellen的分享❤絕對認同

講得好好！有幫助🙏🙏👍

好專心睇哂成段❤ 講得好好 深入淺出👍🏻成日講身心靈 但最唔識照顧自己身體 由而家開始 永遠都唔遲

我有個好朋友同我講。 1.食早餐係最緊要，一日之計在於晨，要食多D 。 2.跟住話聽我午餐就食飽D。因為做咗半日野仲有半日要做。食多D準備做野。 3.下午茶要食定D可能要OT 4放工就帶我去食好D。辛苦得黎志在食。要食盡佢。 5.返到屋企冲涼之後要食咗消夜先好瞓。唔好餓住瞓。 佢話佢唔可以飲水因為試過比水濁親，所以只能飲汽水一日成10幾罐。🙏😭 我朋友50歲到就患咗自我免疫系統失調加糖尿病。之後係好病苦既情況下走咗。點都好希望你一路好走。

Wellen最後嘅提議非常中肯 ！ 想要健康嘅身體最簡單就係控制飲身！但都要留意身心愉快！祝大家健康！

過去十幾年因為遲起身趕返工😂，所以習慣唔食早餐，成日聽啲人講話唔食早餐對身體唔好又會冇記性，但我記性都比其他同事好，亦唔覺有乜唔舒服. 不過間中出差一兩星期，酒店會包自助早餐，咁出差時就食埋個早餐，食咗幾日之後發覺腸胃好唔舒服，之後無論酒店嘅自助早餐有幾好食，我都冇去食，又或者食咗個早餐就唔食午餐，咁先至舒服番啲. 可能不嬲都係食兩餐，所以近年行168 對我減重起唔到作用，而家改為204 / 222 等，4個月減咗十幾磅，算係咁，而且個人輕鬆咗好多，就算間中24-48小時斷食都好輕鬆，唔會覺得辛苦.

Wellen,好好呀👍🏽以散步形式望風景咁樣分享你嘅經歷。

哩個視頻好有營養!咁我又分享一下我既經驗；5/12/23確診糖尿病。之前血糖高左二十幾年終於確診！由確診第二日起，我開始低碳飲食，14/10 (14小時空腹10小時飲食～3餐）主食生料控制在110克一天，魚100克雞肉50克，蔬菜600克，另一杯無糖豆漿，兩片豆腐，一隻雞蛋，小許果仁一個低GI生果一小塊100%黑朱古力🍫這就是日常每天的全部飲食。還有2500CC水。由5/12到今天7/13共2個月減重15磅，血糖控制在80%如正常人一樣。還有；運動對我來講很重要‼️每餐完成後半小時立刻急步半小時，每天共1·5小時。在這2個月對抗糖尿病過程中，我最大的快樂係睇到血糖數字8X 9X這種數字，二十幾年來已經久違了的數字💕P S；有時一些事情令情緒波動，血糖控制就不好，所以，心情平靜對對治糖尿病也是至關重要的‼️祝福大家身體健康萬事如意‼️

wellen好厉害，看似在闲聊，却把观众最想了解的事情，一个一个的问出来，并且轻松写意。

好好的分享和鼓勵❤❤

我吃素三年，最近開始只吃早、晚兩餐（而晚飯早d食）發現下午時間做運動，反而精神咗及唔會肚餓！ 好神奇😁原來真係唔需要早、午、晚三餐。

食雞皮無問題，但要記得係食無打針嘅健康雞，佢地話打針雞好多藥物係去左皮，雞腳雞頸位置，尤其雞頸。至於種子油，種子係有油嘅，如芝麻就好多油，問題係提煉過程係點，反而有一說法係子油有毒，因種子一般係有微量毒素，如檸檬，切檸檬冲水可以有核，但粒核唔好係切開嘅，如蘋果一樣，搾汁唔好連核，呢種種子係有毒，但棉花籽這類就不知道了。至於食肥，個人都覺無問題，只係問題唔可以過量，就算食肥無問題，都會做成某個器官負担太重尤其肝臟，個人個肝就唔好，尤其容易得脂肪肝，一食大量肥膏個人無耐就會周身唔「聚財」，要飲大量消滯茶，事後肚腩都會大左，重要一句，每樣都要節制唔好過量。中醫有句說法五穀養生，西醫不可信，咁中醫呢，中國古代人一般都以五穀為主，長壽嘅不少，這是鐵一般事實，當然古代五穀是指粗量，唔係精制香口的白米飯，五穀很多種，個人平日五穀都是黑米粗米薏米小米雞心米這類，白米飯除了在外食在家是找不到的，白米飯就真的不要食太多了，一種無咩營養只會提供醣的食物，個人覺得，當有懷疑時，就需小心，平𧗾最重要，多食蔬菜少糖鹽係正道，可以生食蔬菜就盡量食生嘅菜。最後，西醫害人之說也是要小心的，因正統學術好著重研究理據，沒有足夠證據就不能正式發表，學術界最重是名譽地位，被指責是好大件事，教授們說話係好小心，因佢地說話份量重，但有足夠證據都會公開講，因他們要的就是獨特見解突顯其地位，個人都在網上聽過一啲教授講解新發現，如腸道是人體第二個腦，益生菌嘅重要，只係要經佢地去證實發表係需要大量時間，不如坊間的「旁道」之說快，但也是更可靠，在沒有強大的宣傳機器下，再到由正統學說廣傳民間糾正以往的舊說又需要一段長時間先可以，所以要知道最新的學說要靠自己上網找了，該教授的講座是多年前的，怛自己只是幾年前才在網上看到，而近年益生菌才大行其道，比自己自發食益生菌時間又慢了幾年，由學說到推廣共慢了十年，又係果句老生常談，兩邊都要聽，反而阻礙科研的不是學術界而是商人，佢地為自己利益大量阻礙學術研究發展，和一些旁支學說，要我們去依靠佢地讓佢地繼續發財，藥廠有幾邪惡，可以在網上揾，益生菌有巿場時就大量制造賣高價錢收暴利，連大學都用高價來撈一筆找經費，人心有幾邪惡可想而知，心寒，不是以民為本，到依家我都未打過疫苗，中左兩次啦，沒食過一粒panadol，靠自然療法連後遺症都無，第二次中招仲輕到真係以為係傷風。最後一句，好的益生菌係唔需要五百多一盒的。

如果時間許可，多D 自己煮，健康好多 ❤

Love this new walking video style 👍🏼

獲益良多,多謝你清晰的分享

Thank you Wellen

身體學識生酮燒脂肪後，斷食很容易，因為大部分人身體存貨充足有排燒。血糖穩定亦唔會成日餓。 感謝Wellen分享。知道有些親人以為西醫才叫有科學根據，一向迷信西醫很有優越感，但居然都有睇你節目而唔抗拒。🎉推醒更多人🙏

第一次睇你嘅片 獲益不少 的確需要親身去體❤

絕對同意Wellen 嘅觀點，我大部分時間都係一日一餐，覺得可用嘅時間多咗好多，我只會話自己係低碳飲食，入唔入酮無乜所謂，唔好咁大壓力，用咗半年減左10kg, 因為唔想皮膚墮，依家都keep 到50kg+_，跟左7年嘅血壓藥甩咗，係炎症同關節痛未keep 度，我都習慣每星期整康普茶，酸酸地好飲

我都係由低碳開始，跟211餐盤咁食，初頭行168 ，1日3餐每餐份量少啲，習慣左之後就1日2餐，3個月已經減左18磅，半年之後開始生酮左年幾再減多8磅，最緊要係搵到啱自己既飲食方法💪💪💪

多謝Wellen 的影片及自身經驗分享！自己減carb 後(戎咗最鍾意的麵包）健康明顯改善咗！可以睇吓多年前許志忠教授在HKCCFL的講座KZfaq，也有同樣概念健康飲食的資訊！祝大家照顧好自己身體 💕

大部分都啱, 我都有睇BERG啲片,並且已經行緊FASTING呢個方法兩三年. 不過如果想效果更好, 應該食早餐唔食晚餐, 我一般10am 1pm 5pm食三餐, 或者10am 4pm食兩餐. 平時真係就唔到時間既話, 都盡量晚上7pm前食完最後一餐, 反正無論如何8pm之後點都唔會再擺任何食物落肚. 因為人體係晚上對熱量吸收能力, 係日頭既兩三倍, 簡單啲講就係晚上食嘢比較容易肥. 而且腸胃都有壽命, 晚上需要早啲開始休息.

Good sharing, thanks

聽完可以再聽，溫故知新，破咗戒，重溫一下又重新再嚟過！

絕對係要自己印證,我自己都168加keto,另外試過斷食20個鐘，感覺好精神舒服，多謝你既分享🙏🏻

呢期正正研究緊生桐飲食 ，轉左新工就係關於呢方面資訊就出左呢段片

Hello , 我是一對3歲雙胞胎媽媽, 我自己生孖女前, 努力左2年都有唔到BB, 之後生酮飲食半年, 鼻敏感好左, 濕疹好左, 加上有做斷食同運動, 操到有腹肌TIM, 之後仲有左BB , 介要一黎黎對孖(沒有遺傳基因) , 生完小朋友因為要餵母乳, 無再行生酮. 而家主要行低瑭飲食. 所以我都幾支持KETO DIET .

每日間歇性斷食實行了５XX幾日，最少有１２小時，有試過２４，２０２２年7月開始恆常１８小時，咁樣收翻晒個水腫，由７４kg回落６４kg ，２０２３年４月開始恆常１９小時，一周一次２４小時,運動方面無跑但每日有懸吊自己，２３年端午前後有玩龍舟，每日冥想、每日畫曼陀羅、睡前拉筋、懸掛練習有進步，可以雙腳離地。

Thanks for sharing this video my friend 👍

修行如果其中之一的解法是修正自己的行為的話，飲食的管理應該是修行的重要部份。 有趣的反思是：斷食中，有無反映出斷捨離的信念呢? 斷食的斷捨離...斷捨離中的斷食... 佛教有所謂「不斷斷」之修行之法，應該與Wellen不走極端之態度不謀而合。

多謝分享👍🏻 我戒左飯 即殿粉質 之後甩頭髮，就無戒曬食返少少。呢啲好煩，人地work 又未啱自己，要慢慢搵。同埋成日要戰勝心魔🤣🤣

講得好好

哈哈哈，第一次聽，同路人所見略同…good talk.

伱－開始響我屋企樓下行😆 等我試吓行第一步先…. 減醣❤

講得好有意思。

Thanks!

女士減醣要留意, 因我之前低醣左成差不多1年, 但漸漸經期開始短同量少, 而且腸胃虛弱左, 睇中醫調理時佢話女性減肥唔可以太低醣, 每日點都要食番一個飯團size 澱粉 男士不在此限, 男士可以超低醣🤪

生酮同斷食,係兩件事黎,而且係要同時做先會有大用,另外斷食唔係單單長時間唔食野就叫斷食, 斷食之中係要食番你身體唔夠的唯他命例如B/D,同礦物質例如,鉀,鎂等等, 要食咩就要請教番醫生, 斷食係想身體消脂,消脂原因唔係要減肥,係因為好多唯他命,都係存係脂方之中, 唔消脂就得唔到,食幾多都冇用, 另外斷食係會另身體大量排水,所以食番你身體唔夠的唯他命,礦物質等等 本身都唔夠,仲要大量排出,身體自然會有其他問題出現 生酮係唔好再食糖份比身體,等身體用脂方代去糖份 同時斷食就可以提高消脂效果 生酮係除左低碳/唔食之外,仲有大量要介/大量要食,例油脂

2 年前 keto , now 20:4 低碳飲食，一日食兩餐，大部份時間都介糖 。之前140磅，117磅 保持左兩年冇反彈。低碳生酮飲食係可以嘅，不過每個人都唔同要問你嘅醫生。其實而家啲人Keto 之後，下一步會想做運動, keto 嘅好處就係可以捱到肚餓。大家想減肥嘅朋友加油啊🎉

多謝wellen, 多謝各位留言

我都係戒緊糖（減糖），我就最主要戒三樣：汽水、朱古力、麥記；實施一個月左右，雖然外表體徵上冇明顯改變，肚腩都係差唔多（要再做多d運動先得）但有一樣feel到明顯改善係訓得好左，可以一覺訓到天光，個人精神左

隨心最緊要

Wellen，你用‘‘飲食調配’’這個詞精準到位，我也是行168，減兩餐，減澱粉，整體納量其實無少，有時反而仲多左，只係‘’調配‘’了餐單成分。除了‘‘上車’’期間，僅好久唔久先會未夠16個鐘覺肚餓，通常餓感一陣就過，然而纏繞唔走咪提早少少進食咯，行168其實好輕鬆無壓力。感謝你的努力，以分享自身經歷形式，默默為人群健康福祉付出，希望越來越多人得覺醒，從個人層面以致社會層面得著益處。

正能量

Thank you brother for sharing your personal experiences in the different diet you have tried. I do agree that we ourselves must make the effort to try out what kind of diet and lifestyle works for us to help to transform our physical and emotional health in the long term. I have been on vegetarian and gradually vegan for many years now. Now i take one vege vegan meal (no 5 pungent roots) in the afternoon and evening, i take fruits, and when i wake up, i just drink a small amount of water, then would naturally go to the toilet to move my bowels... I would at times observe fasting on a half or full moon day which is the 8 Buddhist Mahayana Precepts where one takes one vege lunch before noon, and then throughout the rest of the day, one only drinks water or very light transparent drink and in between, one recites Sutra, prayers, meditate and do charity, and maintain such conduct until the next morning after 7am, the fast is completed. with metta, 🙂🙏

好認真聽你講⋯⋯

.....加埋沖凍水涼同冬泳咁就very骨,不過我只係做住呢兩part先,😁💪👍wellen 加油🤘

這集不錯、有風景又有健康資訊👍

次次聽到這背景音樂都好鬼開心😃🎼 雖然來來去去都係果兩句。

讲得通，消化是副交感工作，对睡眠有利

我素食三十多年的婆婆，但不懂吃，體重十年内增了五十磅，年輕時增了七十磅！現在近180磅，7今天見到您的視頻，年青人希望我從您的視頻；三年内減五十磅！感恩您！🙏🏻🙏🏻🙏🏻😰

幾年前，都成日斷食 或者raw food 一星期，如果身心靈配合，頭腦會非常非常清醒！❤聽完之後都想再持續返有呢個習慣❤多謝呀！

多謝謝你的分享

多方面常試係好事👍👍👍

感谢🙏

我跟營養師減肥，唔駛捱餓咁減肥之餘學到嘅智識跟一世。

多謝！

睇得出呢個世界既當權者係有心想平民透過錯誤飲食造成健康不良從而無心力追求更豐足既事及對抗不公平既事

🙋‍♀️原來我地以前(健教)所教的東西很多也是倒轉的😁😁😁😂

You are a guy with a kind ❤️

妙絕金句"食🐷要食肥,食🐔要食皮"👍👏妙絕! 我正正是這種人, 不過不是人人可以s咁樣食,我是有做真運動的人,不是一些人講我有行山、踢足球、跑步或打羽毛球。 以上這這些是活動不是真運動。

一路睇你行街一路听你讲野感觉好正。下次可以试下行夜街，让我们睇下香港的夜景。来自马来西亚的观众，我喜欢你的channel，尤其是灵性方面。支持你！

大獲！我食足3餐，早餐通粉，午餐食飯，夜晚食麵，薯片、雪糕🥲成日覺得好攰，又肥，真係要試吓唔食咁多，睇吓有咩改變💪🏻

澱粉質最主要係為身體提供能量，應付體力勞動之消耗。當身體能量消耗減少，而澱粉質嘅攝取不減，自然就會能量過剩，以至各種問題甚至疾病。 「旺季工作繁忙時如此食量，到淡季時食量不變」、「由工作人員升職至管理層嘅勞動減少」、「明明自己做得到，但寧願付錢讓別人為你勞動之類嘅偷懶行為」等等以上原因都會導致需要減食澱粉質。 168斷食只是其中一種方法，每日減少一餐以減少身體能量攝取。而斷食喺細節入面應該注意減少澱粉攝取，而不減各式餸菜嘅營養攝取，先可以確保營養充足。所以少食一餐就更要將3餐嘅營養兩餐食完，同時達到斷食嘅目標--減少澱粉質。 以結果而論，168同樣會肚餓，以控制總食量。已經可以一日一餐都食得肥嘅我認為只在時間上斷食只能短期有效，若因肚餓每餐越食越多，一樣會肥。著眼點應該係「應身體需要而吃，非空肚而吃」肚子餓只是消化習慣上食物不足，身體冇需要嘅就唔使理個肚餓。正如公司到了淡季工作時間卻沒有工作，員工會無聊一樣，冇野搵野嚟做咪儹畀人話你多L餘，由得佢悶到癲算啦！

好feel👍🏼👍🏼好似一齊行公園聽緊個朋友分享👍🏼下次不如同埋嘉賓分別以第一視角一齊拍一齊傾

最難忍係肚餓時會好躁心情好差，再餓過籠就會好番D，試過連續7日斷食只喝礦泉水，但頭一兩日都有偷食蕉，行路輕飄飄腳浮浮咁，手腕D濕疹好番好多 少食多餐係人生大忌之一，好多年吾食雞皮，好少食海南雞飯，白砂糖尤其，喝咖啡吾落糖，但食街外野就好難避免 生酮話要配合MCT油喎，話佢會直接轉為酮做身體優質燃料，可能會試下 柏格醫生有講菸鹼酸niacin非常有效血管消炎，間中都有食未知效果(另外NAC就好似對咳幾有效) 覺得生酮斷食吾可以去得太盡，太長時間習慣左會吾識停，個樣越來越乾殘

好有道理

的確 我在行山的時間 只食早餐 全日行山 中間只飲水 及寶礦力 全日無肚餓感覺 有日陽曬時間 肚餓感覺比較少

斷食點解會由168開始，是因為碳水是需要16小時才能完全消化，自噬修復是在16小時後才開始的

Very good! Wellen! 🏆

其實24小時唔食嘢冇想像中咁難，我每個周末都會做一次，當俾腸胃休息下。

有時我都會提自己減少澱粉質，但始終未習慣，有時晚餐減澱粉質，結果好快就肚餓想食嘢…… 漫漫長路去調節飲食習慣