Рет қаралды 60,119
Kám-siā thiⁿ
感謝天
M̄-koán pu̍t-chó͘ ê chû-pi
毋管佛祖的慈悲
Ia̍h sī Koan-im-má ê pó-pì
抑是觀音媽的保庇
Hō͘ lán chòe-tīn lâi tap-siā thiⁿ ê hó-ì
予咱做陣來答謝天的好意
Hō͘ góa ē-tàng tú-tio̍h lí
予我會當拄著你
Kap lí piàn ti-kí
佮你變知己
Hō͘ lán khan-chhiú kiâⁿ lán bī-lâi ê ji̍t-chí
予咱牽手行咱未來的日子
Lí tiām-tiām lâi goán sin-piⁿ
你恬恬來阮身邊
Hiah-nī bô tiuⁿ bô tî
遐爾無張無持
Chah lâi kui tho͘-lá-khuh ê sng kam bi̍t tiⁿ
紮來規tho͘-lá-khuh的酸甘蜜甜
Iōng khah chōe ê kám-siā lâi tùi-thāi thiⁿ
用較濟的感謝來對待天
Iōng khah chōe ê kám-tōng lâu hō͘ lán ka-kī
用較濟的感動留予咱家己
Goán siūⁿ beh kóng kám-siā thiⁿ
阮想欲講感謝天
Goán siūⁿ beh kóng kám-siā lí
阮想欲講感謝你
Lí sī thiⁿ-chhiⁿ, thè goán chhōa lō͘
你是天星,替阮𤆬路
Chiàu tio̍h goán, bōe koh àm-àm bong bô lō͘
照著阮,袂閣暗暗摸無路
Goán siūⁿ beh kóng kám-siā thiⁿ
阮想欲講感謝天
Goán siūⁿ beh kóng kám-siā lí
阮想欲講感謝你
Khan lí ê chhiú, lō͘ siōng sio hû-chhî
牽你的手,路上相扶持
Khan lí ê chhiú, chòe-tīn lâi kám-siā thiⁿ
牽你的手,做陣來感謝天
註:謝謝陳金花老師協助白話字的校正。