Рет қаралды 40,208
繼新片《闔家辣》之後,鄭中基和呂爵安在新片《死屍死時四十四》再演父子,上次Edan演乖仔,但今次有所不同,鄭中基笑說:「佢呢次個角色係咁鬧老竇,做得好好,鬧得好真心!」
他讚Edan對演繹角色有很多新idea,對他非常欣賞。
「好少演員可以用把聲去做戲,佢有唔同嘅tone去表達,除咗面部表情之外,佢把聲都用得好好,所以我覺得佢係天才嚟嘅!」
至於音樂上的合作,中基說:「我想呀,我依家搞緊演唱會啲嘢,準備緊;新碟我都想做,入面想同唔同新人合作,Edan當然係其中一個。」
為了新戲《死屍》中的角色,鄭中基不惜增肥,「上次同Edan演父子,我係的士司機;今次又演父子,我又係的士司機,食番多啲,似番角色,橫掂食到咁肥,之後演唱會再操番。」
肥了一個碼,老婆有沒有不滿?他說:「佢都冇乜詐型,但佢話鼻鼾勁咗好多。」有指前有線主播老婆余思敏想復出幕前,不過鄭中基表示:「係咩?唔知喎,我冇同我講過,不過係都冇所謂,唔係一定要佢睇住小朋友。」
你的支持❤讓我們得以繼續前行🙌
請訂閱《娛壹》Patreon:
bit.ly/3hZtP25