અમેરિકાના સિટીઝન બનવા માટે ખૂબ લાંબા સમય સુધી રાહ જોવી પડે છે. જોકે, એકવાર અમેરિકન સિટીઝનશીપ મળી જાય ત્યારબાદ તમે ના માત્ર અમેરિકાનો પાસપોર્ટ મેળવવાના હક્કદાર બનો છો, પરંતુ સાથે જ ઈલેક્શનમાં વોટ કરવાથી લઈને સરકાર તરફથી મળતી મદદ, ગ્રાંટ તેમજ સ્કોલરશીપ પણ પ્રાપ્ત કરી શકો છો, અને અમેરિકામાં ફેડરલ જોબ પણ કરી શકો છો. આમ તો અમેરિકામાં જન્મેલા તમામ લોકોને જન્મતાની સાથે જ તેની સિટીઝનશીપ મળી જાય છે, પરંતુ તે સિવાય ગ્રીન કાર્ડ હોલ્ડર કે અમેરિકન નાગરિક સાથે લગ્ન કરનાર ઉપરાંત અમેરિકાના નાગરિકોના વિદેશમાં જન્મેલા કે દત્તક લીધેલા બાળકો પણ અમેરિકાના સિટીઝન બનવાના હક્કદાર છે. આ વિડીયોમાં આપણે જોઈશું કે અમેરિકાની સિટીઝન મેળવવા માટે કયા અમુક સામાન્ય નિયમોનું પાલન કરવું પડે છે, અને કોણ તેના માટે અપ્લાય કરી શકે છે. આ સિવાય અમેરિકામાં રહેતા વ્યક્તિ ફેમિલીમાંથી કોને US બોલાવી શકે તે અંગે માહિતી મેળવવા આપ અમારો બીજો એક વિડીયો જોઈ શકો છો, જેની લિંક આપને આ કાર્ડમાં મળી જશે.