Жамбыл облысындағы жарылыс кезінде жоғалып кеткен Бауыржан Дәуітбаевты туыстары бес күннен бері таппай жатыр. Айтуларынша, ауыл боп атқа қонған ағайын, дос, бауырлары Ақыртөбе мен Ақбұлым аралығын толық кезіп шыққан. Бірақ бауырлары ұшты-күйлі жоқ. Олар бес күн ішінде іздеуге ат салысқан бірде-бір полицейді не төтенше жағдайлар департаментінің қызметкерлерін көрмедік деп ашулы. Сондықтан, қосымша күш жұмылдырып, дрондар мен тік ұшақтар берсін деп талап қойды.
НҰРБОЛАТ ЖАҢАБЕКҰЛЫ, тілші:
- Міне, дәл осы төбенің үстінде 28349 әскери бөлімшесі орналасқан. Онда әлі де тілшілерді кіргізіп жатқан жоқ. Жойқын жарылыс кезінде 15 азамат қаза тапқан. Ал тағы бір өрт сөндіруші табылмай жатыр. Бауыржан Дәуітбаевтің туыстарының айтуынша, 28349 әскери бөлімшесінде Бауыржан өрт сөндіруші болып жұмыс істеген. Жарылыс болған күннен бері ұшты-күйлі жоқ. Туған-туыстары ауыл боп атқа қонып, осы әскери бөлімшенің айналасын, тау-тасты толық кезіп шыққан. Бірақ таппаған. Айтуларынша, не полицейлер не төтеншеліктер іздеу жұмыстарына ат салыспапты. Сондықтан олар қосымша көмек беруді яғни, арнайы дрондарды беруді, ұшақ беруді талап етіп отыр.
ЕРБОЛ БАЙТАҚОВ, Бауыржан Дәуітбаевтың ағасы:
- Машиналармен келіп жатыр. Тауға шығып жатырмыз. Таудың бәрін енді. Жарақатпен контузия алды ма деп. Шығып кетті ме может осы частьтың ішінен. Сол үшін іздеу салып жатырмыз. Жан - жақтың бәрін іздеп жатырмыз. Таппай жатырмыз. Военный балалар жүр. Бұлардың бәрі іздеу салып жатыр. Іздеу жүріп жатыр бүгін бесінші күн болды.
НҰРБОЛАТ ЖАҢАБЕКҰЛЫ, тілші:
- Облыстық ПД мәліметінше қазір жоғарғы жақта яғни, осы жарылыс болған жерде кинологтар және саперлар жұмыс істеп жатыр. Саперлар қауіпсіздік жағын қараса, кинологтар жоғалған жігіттерді іздеп жатыр екен. Ал бүгін жеке басы анықталмай жатқан үш азаматтың кім екені белігілі болды.
Олар 1-ші өрт сөндіру бекетінде жүргізуші болып жұмыс істеген аға сержант Ғафан Қуатбек және төртінші өрт сөндіру бекетінде өрт сөндіруші-құтқарушы болған Әділет Әділбек пен Әліби Кеңес болып шықты. Үш күн бұрын жасалған ДНҚ сараптамасының қорытындысы бойынша сәйкестік 99 пайызды көрсеткен. Бүгін облыстық мәйітханаға марқұмдардың туыстары жиналып, көз жеткізді.
Сондай-ақ, бүгін мәйіті соңғылардың бірі болып табылған Сергей Заикинді туған-туыстары жер қойнына тапсырды. 41 жастағы азамат №3 қалалық өрт сөндіру бекетінде қарауыл бастығы болған. Қазір оның артында жары мен екі баласы қалды.
АЛЕКСАНДР ОСТАПЕНКО, марқұмның бұрынғы әріптесі:
- Өтініш жасасақ көңіл қалдырмайтын азамат еді. Өте ұқыпты, адал. Бұл жағдай жүрегіме қатты батты. Білмеймін айтып жеткізе алмаймын.
Қазір жарылыс кезінде жарақат алған 28 азамат қалалық ауруханада ем алып жатыр. Ал жағдайы ауыр делінген бес науқастың төртеуі палатаға ауыстырылыпты. 1 сырқаттың жағдайы өте ауыр дейді дәрігерлер. Ал тағы бір азаматтың жеке басы анықталып жатыр.
Нұрболат Жаңабекұлы, Дәулетбай Нұрмахан
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#Тараз #жарылыс #Жамбылдағы_апат