Рет қаралды 32,846
دروستکردن و ئامادەکردنی سلیلاك بۆ منداڵ
سلیلاك بەیەڪێك لە خۆراکە سەرەتاییە گرنگەکانی کۆرپە دائەنرێت کە دەتوانرێت بدرێت بە کۆرپە لەتەمەنی ٤-٦ مانگیەوە .
سلیلاك سودێکی زۆری هەیە بۆ منداڵ وە یەکێکە لەو خۆراکیانەی کە کەمترین ئەگەری توشبوون بە هەستیاری هەیە بۆ منال وە سهرچاوهیەکی سهرکییهکانی کاربۆهیدرات و ریشاڵەکانە که وزهی جهسته منداڵ دابین دەکات وە سلیلاكی ماڵەوە زۆر گرنگە بۆ گەشەیەکی تەندروستی مێشك و جەستەی منداڵ وە مەترسی کەمخوێنی لە منداڵدا کەم دەکاتەوە و وە یارمەتی زیادکردنی کێشی کۆرپە دەدات کە زۆرینەی دایکان پێیان خۆشە کۆرپەکانیان خەپەبن
دروستکردنی سلیلاك لەماڵەوە دایکان ئەتوانن زۆر بە ئاسانی و بەریگایەکی پاك و خاوێن و بوونی هیچ مادەیەکی زیانبەخشی پارێزەر دروستی بکەن.
پێویستیەکان :
٤کەوچکی چێشت برنج
٣کەچکی چێشت گەنم
٢کەوچکی چێشت شۆفان
٢کەوچکی چیشت لەتکەنۆك
١کەوچکی چیشت نیسك
٤ دەنك بادەم
٤ دەنك کاژوو
٣ دەنك حێل
نیوکەوچكی چا رازیانە و رەشکە.
-چۆنێتی دروستکردنی سلیلاك
برنج و گەنم و لەتکەنۆك و نیسکەکە ئەخوسێنین لە ئاوی گرمدا بۆ ماوەی نیو کاتژمێر ئینجا ئەشۆینەوە و ئەیپاڵێوین ئینجا لەسەر پارچەیەك پەرۆی پاك ووشکیان ئەکەینەوە. پاشان لەناو تاوەیەکدا کەرەستەکان هەمووی ئەبرژێنین وە لە دواییدا بە ئامێری تایبەت بە جێشتخانە وردی ئەکەین تاوەکوو ئاردی لێدیت .
بۆ مناڵی تەمەن ٤-٦ مانگ تەنها برنج و گەنم و شۆفانەکە بەکاردێنین .
هەموو کەرەستەکان جوان تێکەڵ ئەکەین و تێکەڵەیەکی بۆنخۆشی بەسود دروست دەبێت ئینجا لە ناو کۆنتینەیەكی شوشەدا ئەتوانیت هەڵیگریت لە شوێنڪی وشك یان لە سەلاجەدا بۆ ماوەی مانگیك ئەتوانرێت بەکاربێت.
بۆ ئامادەکردنی سلیلاك بۆ منال
پێویستیەکان
دوو کەوچکی چێشت سلیلاك
کوپێك ئاوی گەرم
لەناو تاوەیەکدا یا مەنجەڵێکی بچوکدا دوو کەوچڪی چێشت سلیلاک لەگەڵ کوپێك ئاوی گەرم جوان تێڪەڵی ئەکەین و ئەیکوڵێنن بۆ ماوەی ٥ -٧ دەقە تا خەست ئەبێتەوە ئینجا کە کەمێك ساردبووە پێشکەشی کۆرپەکەتی بکە