#BirBax #xalqtəbabəti #keşfet
#keşniş
Bu bitkini hər gün göyərti satılan piştaxtalarda görürüsünüz. Lakin onun faydalarını bilmədiyiniz üçün, müalicə məqsədilə istifadə etmirsiniz. Bəli, bu gün sizə dadını çox sevdiyiniz keşniş bitkisi və onun toxumlarının möcüzvi faydalarından danışacam. Əminəm ki, bu videodan sonra bizə çox sağ olun deyəcəksiz.
Müxtəlif vitaminlərlə (A,C, B qrupu, K, P) zəngin olan keşniş toxumunun faydaları və müalicəvi xüsusiyyətləri saymaqla bitməz:
- mikrob, virus və göbələkləri öldürür
- ürək və beyinin fəaliyyətini yaxşılaşdırır
- insanı daha gümrah edir, əhvalı yaxşılaşdırır, stressi azaldır
- iştahanı yaxşılaşdırır, qidanın parçalanmasını sürətləndirir
- köpdən xilas edir
- qurdları öldürür
- nəfəs yollarını selik və mikroblardan təmizləyir, nəfəsalmanı asanlaşdırır
- öd kisəsində durğunluq proseslərini azaldır
- kişilərdə potensiyanı artırır
- soyuqdəymə xəstəlikləri zamanı çox faydalıdır - tərlədir, hərarəti salmağa kömək edir, orqanizmdən toksinləri xaric edir, xəstənin vəziyyətini yüngülləşdirir.
Əgər qan azlığı, halsızlıq, tez yorulmaq, ya da depressiyaya meyillilik varsa, keşniş yemək tövsiyə edilir. Bəli, bu göyərti dəmir ilə zəngin olduğu üçün qanyaradıcı məharəti var. Antiseptik və antioksidant xüsusiyyətləri sayəsində keşniş infeksiya əleyhinə çıxış etməkdə də mahirdir.
Keşniş görmə qabiliyyətini gücləndirir. Bitkinin xüsusilə toxumu göz sağlamlığına faydalıdır. Mütəmadi olaraq, keşniş toxumu qəbul etdiyinizdə, görmə qabiliyyətinin itirilməsi riski minimuma enir. Bir sözlə, göz sağlamlığınızı qorumaq istəyirsinizsə, keşniş toxumlarından çay dəmləyib içə, yaxud xörəklərdə ədviyyat kimi istifadə edə bilərsiniz.
Ürək xəstəliklərinin qarşısını alır. Təzyiqi nizamlamaq qabiliyyətinə malik olan keşniş ürək xəstəliklərinin yaranmasına imkan vermir. Damarlardakı tıxanıqlığı aradan qaldırır, infarkt riskini aşağı salır. Mətbəxinizdə keşnişə geniş yer versəniz, özünüzü daha yaxşı hiss edəcəksiniz;
Stressə mane olur. C vitamini və antioksidant maddələrlə zəngin olan keşniş sinir uclarını aktiv saxlayır. Stress, əndişə, yuxu pozğunluğu kimi problemlər varsa, 1 fincan keşniş çayı için. Hər gün yatmamışdan qabaq içilən keşniş çayı yuxunu normallaşdırır, stressin əmələ gəlməsinə mane olur;
İmmuniteti möhkəmləndirir. A, C, B vitaminlərinə və bir çox minerala malik keşniş orqanizmin xəstəliklərlə mübarizə aparmaq gücünü artırır. Nizamlı şəkildə istifadə edilən keşniş immuniteti möhkəmləndirir;
Qanda şəkərin səviyyəsini nizamlayır. Bəli, keşnişin vəzifələrindən biri də qanda şəkərə nəzarət etməkdir. Keşniş çayı içərkən, keşnişi ədviyyat kimi istifadə edərkən şəkər xəstələri özlərini rahat hiss edir. Bir neçə elmi araşdırmadan sonra mütəxəssislər bu qənaətə gəliblər;
Xolesterol səviyyələrini nizamlayır. Qanda xolesterol səviyyəsi yüksəldikdə ürək xəstəlikləri riski artır. Bu xəstəliklərdən uzaq qalmaq üçün keşnişi rasionunuzdan əksik etməməlisiniz. Mütəmadi olaraq, keşniş yemək, yaxud keşniş çayı içmək xolesterol səviyyələrini stabil saxlayır. Ayrıca, göyərtinin “pis xolesterol” səviyyəsini aşağı salmaq qabiliyyəti də var;
Həzmi asanlaşdırır. Tez-tez mədədə yanma, mədədə turşuma, qusma və ya şişkinlik kimi hallar yaşayırsınızsa, keşnişə üz tutun. Bu göyərti mədə problemlərinin həllində mahirdir. Həzmsizlik, yeyilən qidanın mənimsənilməsindəki narahatlıqlar zamanı hər gün 1 fincan keşniş çayını yeməkdən qabaq içməyiniz yetərlidir;
Sümüklərin sağlamlığını qoruyur. Keşniş kalsium mənbəyidir. Sümükləri qoruyacaq gücə sahibdir. Güclü sümük sistemi üçün rasionunuzdan keşnişi əksik etməyin;
Ağız boşluğundakı yaraları sağaldır. Müntəzəm şəkildə içilən keşniş çayı ağız boşluğunun sağlamlığını qoruyur. Keşniş çayı ağız boşluğunda əmələ gələn zərərli bakteriyaları məhv etmək, pis qoxunu aradan qaldırmaq vəzifəsini hünərlə yerinə yetirir. Keşniş çayını içənlər dişlərinin sürətlə çürüməyindən, ağız qoxusundan uzaq həyat keçirəcəklər;
Dəri hüceyrələrini yeniləyir. Tərkibindəki yüksək miqdarda antioksidantlar sayəsində keşniş əsl “dəri dostu”dur. Dəridə yağlanma və ləkə varsa, keşniş yağı ilə nahiyəni masaj etmək lazımdır. Gün keçdikcə, nahiyədəki sızanaqların, ləkələrin, hətta yaraların belə, sağalmasını müşahidə edəcəksiniz. Gənc dərinin sirri 1 fincan keşniş çayındadır;
Ağızdan iy gələn zaman keşniş toxumu çeynəmək qoxunu aradan qaldırır. Keşniş toxumu dəmləməsi bağırsaqda olan bakteriyaların məhv olmasına səbəb olur. Onun anti-histamin təsiri orqanizmi allergik xəstəliklərə qarşı qoruyucu təsirə malikdir, tərkibində olan kalsium osteoparozlu xəstələr üçün çox faydalı bir nemət sayılır.
Keşniş toxumundan müalicəvi dəmləmə hazırlamaq üçün 1 x.q. toxum termosda yarım litr isti (qaynar yox!) suda 1 saat ərzində dəmlənilir və gün ərzində 2-3 dəfə yarım stəkan olmaqla adi çay kimi içilir. Çaya bal da əlavə edə bilərsiniz.