#मराठवाडा #पारंपरिक #3IngredientDessert #traditional
चला आपली मराठी खाद्यसंस्कृती पुनरुज्जीवित करू!
काही विस्मरणात चाललेले #जुनेपदार्थ परत चलनात आणू! आज आपण आमच्या मराठवाड्यातील एक अस्सल चवदार पदार्थ पाहूया, गाडगीळ 😍
तर गडगीळ हा मराठवाड्यातील पारंपरिक पदार्थ आहे, चवीला खूप खूप सुमधुर लागतो, करायला देखील एकदम सोपा आहे, एकदा करून पहा मग पुन्हा पुन्हा खावासा वाटेल. 😊
साहित्य:-
१. गव्हाचं पीठ - दीड वाटी
२. साजूक तूप - साधारणतः ४ टीस्पुन
३. गूळ - पाऊन वाटी
४. मीठ - चिमुटभर
५. पाणी - साधारणतः अडीच वाट्या
कृती:-
१. एका पातेल्यात पीठ घ्या.
२. त्यामध्ये चिमुटभर मीठ आणि तुपाचं कडकडीत मोहन घाला, सगळे जिन्नस चांगले मिसळून, तुपाचं कडकडीत मोहन पिठामध्ये चांगलं मिसळून घ्या.
३. आता पिठामध्ये थोडं थोडं पाणी घालून घट्ट आणि मऊसर कणिक मळून घ्या.
४. कणिक मळून झाली कि त्याला थोडासा तुपाचा हात लावून अजून चांगली मळून घ्या आणि बाजूला ठेवा.
५. एकीकडे दुसऱ्या पातेल्यामध्ये पाणी उकळायला ठेवा, आता त्यामध्ये गूळ घाला, आणि मंद आचेवर गूळ विरघळण्यासाठी ठेवा.
६. गूळ विरघळेपर्यंत एकीकडे भिजवलेल्या कणकेचे छोटे छोटे मुटकुळे करून घ्या (उकड शेंगुळ्यासाठी ज्या प्रकारे मुटकुळे केले जातात अगदी तसे मुटकुळे)
७. आता तुम्ही पाहू शकता आपला गूळ पण विरघळला आहे, गूळ फक्त विरघळला पाहिजे, गुळाच्या एकतारी पाकची इथे गरज नाही.
८. आता एका कढई मध्ये (मध्यम आचेवर) तूप गरम करायला ठेवा, त्या गरम तुपामध्ये कणकेचे तयार मुटकुळे तुपावर चांगले परतवून घ्या.
९. साधारणतः दोन ते तीन मिनिटे परतून घ्या. मधून मधूनहलवत राहा जेणेकरून मुटकुळे चांगले परतले जातील.
१०. भाजल्यानंतर त्याला चांगला तांबूस रंग आणि छान सुगंध येईल. म्हणजे मुटकुळे तुपावर छान परतले आहे असं समजायला हरकत नाही.
११. आता मुटकुळे परतल्यानंतर त्यावर तयार गुळाचा पाक हळूहळू घाला.
१२. आता हे मुटकुळे, गुळाचा पाक घट्ट होईपर्य मध्यम आचेवर शिजवून घ्या. जेणेकरू पाक लगेच घट्ट होणार नाही.
१३. साधारणतः चमच्याने वाढता येईल इतपत घट्ट शिजवून घ्या.
१४. आता आपले ठिसूळ आणि रसदार गडगीळ तयार आहेत.
१५. गरम गरम खायला घ्या.
-----------------------------------------------------
तुळस गुळाचा काढा(कफ बरा होण्यासाठी)
• तुळस-गुळाचा काढा! Tula...
पहा गव्हाच्या पिठाचे पौष्टिक पानगे
bit.ly/2wiVjI7
तोंडल्याच्या भाजीची सविस्तर कृती
iqi.su/x2vhR
पहा शिरवळ्या (उकडीच्या शेवया)
• नारळाच्या दुधातील शेवय...
काही सोप्या चटण्या -Easy chutney recipes : bit.ly/2JKAfSR
सबस्क्राईब करा Subscribe - bit.ly/2DZQiIN
www. KitchenAarti
/ kitchenaarti