Рет қаралды 29,887
Маңғыстау облысында мұнай құбырларын жасап шығаратын «Шыны талшықты құбыр зауытының» жұмысшылары екі күннен бері бейбіт шеруге шыққан. Жалақыны 100 пайызға көтеруді талап еткен азаматтар кеше тіпті тарқамай, түнде далада түнеген. Бұл жиналғандардың жалғыз талабы емес, олар емдеу-сауықтыру ақысы мен тоқсандық сыйақының берілуін сұрайды. Жұмысшыларды әріптесім Махаббат Нұржанқызы тыңдап қайтқан еді.
Мұнай құбырларын өз қолымен жасап шығаратын азаматтар талаптарымыз орындалмайынша ешқайда тапжылмаймыз деп ас-суларын да өздерімен бірге әкелген. Зауыт ғимаратының алдына шатыр құрып қойыпты. Кейбірі отын жарып, қазан-ошаққа тамақ пісіріп жатыр. Енді біреулері титанға су қайнатып, ыстық шай әзірлеп жүр. "Басшылық мәселені шешпейінше тарқамаймыз" деп тас түйін бекінгендердің көбі тоңып қалмау үшін қалың киініп келіпті.
БАУЫРЖАН ЖҰМАБАЕВ, жұмысшы:
- Біз үйімізге бармастан осы жерде жатырмыз. Үйге барғанда не деп барасың? Кеше түскен 80 мың айлыққа балама не алып берем айтшы? Не алып берем мен 80 мың айлығыма? Не беремін? 6 балам бар. 6 баланың жейтін тамағы бар ғой, ауырады ол балалар да мысалы. Радиационный заттар кілең бұл жерде. Соған төленетін ақшалары жоқ бұл жерде.
СЕРҒАЛИ КЕКЕШОВ, жұмысшы:
- Бұл «Маңғыстау Мұнай Газ» акционерлік қоғамының құрамында болған мекеме. Соны 2009 жылы жекеменшікке өткізіп жіберді. Жұмыс жасайтындарды еріксіз, заң бұзумен қол қойдырып. + одан кейін айлық көтерілмей осылай қалып қойды.
Қара суықта тұрғандардың барлығы ауыр әрі ең зиянды жұмыс істейтіндерін айтады. Соған қарамастан, алатын еңбекақымыз мардымсыз дейді. Айтуларынша, ең төменгі разрядты қызметкер 50 мың теңге айлық алады. Ал түні бойы ереуілде тұрғандардың алдына зауыт директоры тек түске таяу шықты. Оның өзінде қазір мұнай компанияларынан келген тапсырыстар кезек күтіп қалғанын және бұл жұмысты тоқтатуға болмайтынын айтты. Сондықтан, азаматтарды райларынан қайтарып, жұмысқа шақырды. Ал қойған талаптарын серіктестіктің шығынына байланысты толық орындай алмайтынын айтып, жалақыны тек 50 пайызға көтеретінін жеткізді.
СӘРСЕН ҚЫРЫМҚҰЛОВ, «Шыны талшықты құбыр зауытының» директоры:
- 100 процент ешқашан даже просто ала алмайсыз. Это невозможно. Ондай бізде доходный часть жоқ, вы представляете что такое 50 процент? Это не каждому дается такое. 50 процент я считаю что это очень хороший выход.
Осылайша жұмысшылар басшының мұндай шешімімен келіскен жоқ. Өйткені, айлықты 50 пайызға көтерсе де жыртығымызды жамай алмайды деп отыр. Ал ел Президенті Қасым-Жомарт Тоқаев талап қойған жұмысшылардың заңды мүддесі сақталуы керектігін айтып, Маңғыстау облысының әкіміне мәселені шешуді тапсырды. Және қажет болса, үкіметтің арнайы комиссиясын өңірге жіберу керек деді.
Махаббат Нұржанқызы, Фархад Шадкам
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#жалақы_дауы #наразылықтар #Маңғыстау