#ကရင်ပြည်နယ်
#ကော့ကရိတ်
#ကြာအင်းဆိပ်ကြီးမြို့
ပရိတ်သတ်များ အားလုံးပဲမင်္ဂလာပါ.....ဒုံးယိမ်းမြေသို့အလည်တခေါက်ရဲ့ အပိုင်း (၄) မှာတော့ ကရင်ပြည်နယ်၊ ကော့ကရိတ်ခရိုင်၊ ကြာအင်းဆိပ်ကြီးမြို့ကို သွားရောက်လည်ပတ်မယ်။ ကြာအင်းဆိပ်ကြီးမြို့ဟာဆိုရင် ကော့ကရိတ်မြို့နဲ့ (၄၃) မိုင်ကွာဝေးပြီး ဒီမြို့လေးမှာနေထိုင်ကြတဲ့သူတွေက မွန်နဲ့ကရင်လူမျိုးတွေ အများဆုံးနေထိုင်ကြပြီး ဥယျာဉ်ခြံစိုက်ပျိုးရေးလုပ်ငန်းကို အများဆုံးလုပ်ကိုင်ကြတာပဲဖြစ်ပါတယ်။ ဒီအပိုင်းမှာတော့ ကြာအင်းဆိပ်မြို့ကနေ (၄၅) မိနစ်လောက်သွားရင်ရောက်ပြီး ကစပ်ကျေးရွာမှာရှိတဲ့ ရွှေလဘုန်းစေတီကို သွားရောက်ဖူးမြော်မယ်။ ​ရွှေလဘုန်းစေတီရဲ့ သမိုင်းကြောင်းကလည်း စိတ်ဝင်စားစရာကောင်းပြီး ကြည်ညိုသပ္ပါယ်စရာကောင်းပါတယ်။ ဆက်လက်ပြီး ဖားပြဆံတော်ရှင်ဘုရားကိုလည်းသွားရောက်ဖူးမြော်မယ်။ ဖားပြလိုဏ်ဂူတော်မှာဆိုရင် ရုပ်ပွားတော် (၂၀၀၀) ဝန်းကျင်လောက်ရှိပြီး အုတ်ခွက်ဘုရားတွေလည်းရှိခဲ့ပါတယ်။ ဖားပြဆံတော်ရှင်ဘုရားကိုလည်း အမျိုးသားတွေသာတက်ခွင့်ရှိပြီး ဗုဒ္ဓမြတ်စွာဘုရားရှင်ရဲ့ ဌာပနာ (၄) ဆူကို တည်ထားကိုးကွယ်ခဲ့တာလည်းဖြစ်ပါတယ်။ ဘုရားဖူးပြီးရင်တော့ ကြခတ်ချောင်းရွာရဲ့ ဥယျာဉ်ခြံစိုက်ပျိုးရေးကို သွားရောက်လေ့လာမယ်။ ပြီးရင်တော့ ကရင်လူမျိုးတွေရဲ့ အစားအစာချက်ပြုတ်ပုံနဲ့ ရိုးရာအစားအစာတွေကို သွားရောက်မြည်းစမ်းကြည့်ပြီး ဒူးရင်းသီးခြံထဲကို သွားရောက်လေ့လာကြမယ်လေ.....