#ချင်းပြည်နယ်
#မင်းတပ်မြို့
#နမ့်ထားရွာ
#လုံရူးပွဲတော်
ပရိတ်သတ်များ အားလုံးပဲမင်္ဂလာပါ...ဒီအပိုင်းမှာဆိုရင်တော့ ပရိတ်သတ်တွေကို မင်းတပ်မြို့သို့အလည်တခေါက်ဆိုတဲ့ အကြောင်းအရာလေးနဲ့ မိတ်ဆက်ပေးချင်ပါတယ်။ မင်းတပ်မြို့မှာ နေထိုင်ကြသူအများစုက ခရစ်ယာန်ဘာသာကို ကိုးကွယ်ကြပြီး ဗုဒ္ဓဘာသာကို ကိုးကွယ်ကြသူများလည်းရှိကြပါတယ်။ ဒီအပိုင်းမှာဆိုရင်တော့ ခရစ်ယာန်ဘာသာဝင်တွေရဲ့ ဘုရားရှိခိုးကျောင်းကို သွားရောက်လေ့လာမယ်။ ပြီးရင်တော့ မင်းတပ်မြို့ အရှေ့ပြင်ရပ်ကွက်က နမ့်ထားရွာလေးကို သွားရောက်လေ့လာပြီး အဲဒီ့ရွာမှာရှိတဲ့ အိမ်လေးတွေရဲ့ထူးခြားချက်က အိမ်ရှေ့တွေမှာ တိုင်လေးတွေစိုက်ထူထားတာရှိပါတယ်။ အဲဒီ့လိုစိုက်ထူတာကလည်း သူတို့တွေရဲ့ လုံရူးပွဲတော်ကျင်းပတဲ့အခါမှာ နွားနောက်တွေသတ်ရပြီး နွားနာက်တကောင်သတ်တိုင်းသတ်တိုင်း တိုင်တတိုင်စိုက်ထူတာလည်းဖြစ်ပါတယ်။ နွားနောက်ခေါင်းတွေကိုလည်း အိမ်ရှေ့မှာ ချိန်ဆွဲထားလေ့ရှိပြီး ကျောက်ဖျာတွေကိုလည်း အိမ်ရှေ့မှာထားလေ့ရှိပါတယ်။ အဲ့ဒါကတော့ သူတို့တွေရဲ့မိသားစုတွေ သေဆုံးတဲ့အခါ အရိုးပြာအိုးတွေကို ကျောက်ဖျာအောက်မှာထိန်းသိမ်းထားကြတာပဲဖြစ်ပါတယ်။ ဒါပေမယ့်လည်း အလှူလုပ်ပြီး နွားနောက်သတ်မှသာ ကျောက်ဖျာတွေကို ထားခွင့်ရတာပဲဖြစ်ပါတယ်။ ပြီးတော့လည်း ချင်းပြည်နယ်ရဲ့ ချင်းခေါင်ရည်ချက်တဲ့နည်းနဲ့ ခေါင်ရည်နဲ့တွဲဖက်ပြီး စားသုံးရတဲ့အစားအစာတွေအကြောင်းကိုမြည်းစမ်းရင်း သွားရောက်လေ့လာပါဦးမယ်။ ကြည့်ရှုအားပေးကြပါဦး.....