Рет қаралды 206,510
Ақтөбедегі жаппай тәртіпсіздік кезінде алаңға шыққандардың айтқанына көнбей, өз қызметіне адалдық танытқан лейтенант Ұлан Мырзабайдың әрекеті көпшілікті тәнті етті. Облыстық әкімдікті күзетуге барған сарбаз сол күні ашуға булыққан наразы топтың әскерилерге психологиялық қысым көрсеткенін айтады.
Ақтөбе облыс әкімдігіне шабуыл жасалған күні алдыңғы шепте тұрған сарбаз Ұлан Мырзабай өзін әлдебіреулердің дәл осылай видеоға түсіріп алғанын байқамадым және оны әлеуметтік желіге таратып жіберетінін де білмедім дейді. Айтуынша, оған қолындағы қаруын тастап, көптің қатарына қосылуын талап етіп бір емес, бірнеше адам келген. Ашуға булыққан тұрғындардың агрессиясын одан әрі ушықтырмас үшін сарбаз жәй ғана күліп жауап берген екен. Бұл әрекетін ерлікке баламайтын Ұлан, тек антыма адал бола білдім дейді.
ҰЛАН МЫРЗАБАЙ, Ақтөбе облысы №6655 әскери бөлімнің взвод командирі:
- Әрқайсымызға келді. Әртүрлі предложениялармен. Мысалы «ата-аналарың біздің қасымызда тұрса, сендер не істеуші едіңдер» деп, психологический давка дейді ғой, сондай жасауға тырысты. Мен өзімде приказым бар, сол приказбен жүрмін дедім. Тек бұзақылық әрекеттер болмаса екен деген ойда болдық. Өйткені біз сол кезде Алматыдағы болған жағдайларды естіп жаттық.
Ұланның Ақтөбедегі 6655 әскери бөлімінде қызмет етіп жүргеніне жарты жыл болған. Өзі Алматы облысының тумасы екен. Жаппай тәртіпсіздік болған күндері облыстық әкімдік алдын күзетуге осы әскери бөлімнен үш жүздей сарбаз жұмылдырылған. Алайда қолдарында қару-жарақ емес, тек қорғанатын құралдары ғана болған.
НИЯЗ САДУАҚАСОВ, Ақтөбе облысы №6655 әскери бөлімі батальон командирінің орынбасары:
- Біздің әскери қызметшілер қарусыз тұрды. Қару алу бойынша ондай пәрмен түскен жоқ. Бізде арнайы құралдар болды. Бронежилет, бастарына киетін каскалары, қолдарына ұстайтын шит сондай құралдар ғана болды.
Ақтөбедегі жаппай тәртіпсіздік кезінде екі сарбаз соққыдан жарақат алыпты. Қазір олардың жағдайлары жақсы.
Жанар Қожанова, Жомарт Құдайбергенов
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#ҰланМырзабай #ПриказЕстьПриказ