2019 йил 28 август куни Шукрулло "Фидокорона хизматлари учун" ордени билан тақдирланди. Биз "Маданият ва маърифат" телеканалига кўрсатув тайёрлаш учун шоир хонадонига бордик.
Бизни ўғиллари Абдуғафур ака кутиб олдилар. Шоир билан 15 дақиқача суҳбатлашдик. 99 ёшли Шукруллонинг қулоқлари анча оғирлашиб қолган, фикрларини жамлаш ҳам қийин эди. Лекин кўплаб таниқли адибларни кўрган, бутун бошли шўро тузуми жабри ва ситамларини бошидан кечирган бу инсондан ёрқин таассуротлар олдик. Расул Ҳамзатов, Зулфия, Давид Қўғилтинов, Қайсин Қулиев, Ғафур Ғулом, Ойбек, Чингиз Айтматов каби адабиёт даҳоларини кўрган ва уларни уйида меҳмон қилган инсон билан суҳбатлашиш анча мароқли.
Шукрулло домла 50-йиллар қатағонини ҳам бошидан кечирган. Умрининг охирги йилларида ҳам унга нисбатан тақиқ бор эди.
Хомаки материални сақлаб қўйган эдим. Шунинг монтаж қилинган вариантини Ютубга жойлаяпман.
Канални кузатиб боринг: t.me/qayduz
/ fazliddinsattorov