Рет қаралды 20,170
قازان كاواپ_ كباب القدر
تتبيلة اللحم /
نحتاج ٣ او ٤ كيلو لحم مقطع اوصال وسط
ضعيه في الغضاره 👈🏼 ( ملعقه كبيره مليانه كزبره ناشفه + ملعقه كبيره مليانه كمون _ ملعقه كبيره ممسووحه فلفل اسود + شوية كركم + بودرة فلفل احمرحار + ملح + حبة بصل مفروم ناعم + ملعقتين كبيره ثوم مدقوق + ملعقتين كبيره زنحبيل مدقوق + حبتين بيض + نص فنجان قهوه خل + ملعقتين كبيره او ثلاثه ملاعق كبيره مليانه دقيق + شوية مويه عشان يساعد نخلط الخليط / و اخلطي جميع المكونات جيدا و ضعي اللحم فوق التتبيله و تبلي اللحم مضبوط و ممكن تتبليه قبلها بليله او اقل شي قبلها ب ساعتين
الطريقه /
اول شي سخني صاج عميق ( الأفضل صاج غير لاصق ) و ضيفي فوقه شحم الليه و شحم البطن و اتركيه يذوب ( ممكن تستخدمي زيت الطبخ فقط او ممكن نصفه شحم و نصفه زيت الطبخ بس الشحم يعطي طعم على أصوله وافضل ) و صفي بقايه الشحم من القدر
و ضعي فوقه كم حبة بطاطس مقشر بس بدون ماتقطعيه و حمري البطاطس من كل جهه و صفيه من الزيت وضعي دفعه من اللحم فوق الزيت وحمريه من جهتين وبعد مايحمر صفيه من الزيت و حمري كل كمية اللحم بالدفعات
و بعدها رجعي اللحم و البطاطس في نفس القدر و اسكبي عليه مويه مغليه و ضيفي كم حبه فلفل حار و غطي عليه و اتركي اللحم يستوي و يرجع ينشف المويه تقريبا ياخذ من 40 دقيقه الى ساعه و نص حسب نوع اللحم و حجم اللحم
وقت التقديم حطي تميس في الصحن و ضعي اللحم فوق التميس و رشي فوقه بهار ( فلفل احمر حار كمون كزبره ناشفه محمصه و مطحون ) و رشي كزبره و بصل مقطع شرائح و بصل اخضر و بالعافيه