हिंदुस्थानी रागदारी संगीत एक अथांग सागर असेल तर राग यमन मधील गाणी म्हणजे त्या सागर-तळाशी पसरलेल्या रत्नांच्या राशी. हिंदी सिनेसंगीतात असे म्हणतात की संगीतकार रोशनचा आवडता राग यमन.
त्याची सगळ्यात गाजलेली कव्वाली म्हणजे अर्थात ‘निगाहे मिलाने को जी चाहता है..’ ही कव्वाली म्हणजे यमनची प्रसन्नता, रोशनची सांगीतिक जाण, साहिरची शब्द-निवड यांचा एकत्रित आविष्कार.
अवघ्या पन्नास वर्षाचं आयुष्य रोशनला लाभलं, तो जाऊनही पन्नास वर्षे उलटली आहेत, पण जोवर ही गाणी आहेत, तोवर यमन रोशन आहे.