Рет қаралды 54,515
Gospel song by Singer Tadesse Eshete. God never been late to help. He always arrives at perfect time. Glory be to His Holy Name.
“አትቸኩልም አንተ ደግሞም አትዘገይም”
በዘማሪ ታደሰ እሸቴ
እንታነጽበት ዘንድ አቅራቢ
ወ/ም ሶካ
ጥቂት ጊዜ አለፈ ከተናገርካቸው
አብርሃምና ሣራን ተስፋ ፈተናቸው
ከዚህ የተነሳ እርምጃን ወሰዱ
አንተንም ቀደሙ እስማኤልን ወለዱ
ግን አንተ ጌታችን ስለ ተስፋው ብለህ
ይስሐቅን አምጥተህ ቃልህን ፈጸምህ /2
አትቸኩልም አንተ ደግሞም አትዘገይም
ቀስ እያልክ ብትሄድ ማንም አይቀድምህም
ነገርን በሙሉ በጊዜው ውብ አድርገህ
በድንቅ በተአምራት ታበጃጀዋለህ
ክብርህን ትገልጻልህ
ወንድሞቹ ሲሰግዱ ዮሴፍ ህልምን አየ
ግን የኖረው ኑሮ ከዚህ የተለየ
ቃልህ እስኪመጣለት እርሱም ተፈተነ
በእርኩሰት በኃጢአት ላይ ሁሌ እየጨከነ
የሚጐበኝበት የእግዚአብሔር ቀን መጣ
ከዚያ ጉስቁልናው ከመከራው ወጣ /2
አትቸኩልም አንተ ደግሞም አትዘገይም…..
ሃና መካኗ ሴት ብዙ አለቀሰች
በወገኖች ሳይቀር እየተነቀፈች
እርሷም እንደሰዎች ዘመኗ ደረሰ
ልቧ በአንተ ጸና ታሪኳም ታደሰ
አቤት የእግዚአብሔር ስራው ያስደንቃል
የምስኪኑን እንባ በጊዜው ያደርቃል /2
አትቸኩልም አንተ ደግሞም አትዘገይም….
በጣም የምትወደው አልዓዛር ታሟል
የሚል ድምጽ ከሰማ አራት ቀን ሆኖታል
የሞተውን ሊያስነሳ እንባቸውን ሊያብስ
በራሱ ጊዜ መጣ ጌታችን ኢየሱስ
ዛሬም ብንጠብቀው በመጠበቂያችን
እግዚአብሔር ቅርብ ነው ክብሩን ሊገልጽልን /2
አትቸኩልም አንተ ደግሞም አትዘገይም….
እግዚአብሔር ይባርካችሁ!