平時本地遊都係同大家飲飲食食多，今集搞搞新意思，邀請Sharon小編一齊去沙田一日遊，行程豐富，有得玩有得食，想知我哋去咗邊？即上KZfaq睇片啦～ 
  
第1站：沙田 ChaTraMue Cafe 
去玩之前梗係要醫飽肚仔，嚟到沙田新城市ChaTraMue Cafe，好多人都以為ChaTraMue淨係得飲品，新城市呢間新開分店係Cafe嚟㗎！ 
最近進駐沙田新城市廣場開設全港首間「ChaTraMue Cafe」，呢間泰國過江龍人氣手標茶店ChaTraMue Cafe，除了提供各款招牌茶飲、泰式甜品外，更推出一系列惹味主食及小吃，品嚐正宗泰菜風味。 
嚟到呢間Cafe，地方好闊落，座位舒適，最啱同朋友一齊嚟。 
除咗有飲品，呢度仲有主食同甜品供應。泰式牛肉湯河粉CP值極高！先飲啖湯，估唔到味道鮮甜，河粉食落偏厚身，牛肉質素高，口感柔軟，唔覺唔覺，成碗食晒！ 
另一個泰式青咖喱海鮮金邊粉好有驚喜，香港嘅泰國餐廳大部分都係炒金邊粉，估唔到呢度有撈金邊粉，亦係泰國好地道嘅食法。 
我同Sharon第一次食撈金邊粉，估唔到幾好食，青咖喱蘸滿每條金邊粉，青咖喱好creamy，入口帶微辣，好食到食唔停口。 
當然唔少得甜品，特別係泰茶巴斯克芝士蛋糕，中間呈流心狀態，泰茶味突出之餘又唔會蓋過芝士味道，好食到癲咗！ 
另一款泰茶白奶凍質感非常動L，面頭有泰茶忌廉同泰茶粉，味道香濃，呢個係減糖版本，入口唔係好甜，食完都冇咁大罪惡感呀！ 
  
第2站：恐龍公園 大人細路開心放電 
食飽飽就出發去沙田新城市最新嘅恐龍公園，入面嘅遊樂設施好多，一共14項，好似4.5米高嘅網橋、3條唔同長度同形狀嘅滑梯、繩網陣、吊床、平衡木、空中飛索等等，玩一陣已經成頭大汗，大人細路玩得好開心呀！ 
  
第3站：道風山 超巨型打卡白色十字架
放完電，唔好俾佢停。沙田站B出口一出，向寫着「道風山」嘅指示牌方向前行，之後會見到一條好窄嘅樓梯，呢度就係道風山入口喇。沿路大部分都係上斜坡同樓梯。全程唔算太辛苦，邊行邊享受微風同風景，都幾舒服吓。中間一邊傾計，一邊影相打卡其實好快就到。終於去到目的地：巨型白色十字架。老實講，見到12米高嘅十字架真係幾震撼，比網上見嘅圖片壯觀得多！趁天氣仲未超熱，快啲約埋朋友一齊行山啦～ 
  
記得今晚9點準時上KZfaq睇片喇～ 
  
泰式牛肉湯河粉 $88 
泰式青咖喱海鮮金邊粉 $88 
泰式海鮮粉絲沙律 $78 
泰茶巴斯克芝士蛋糕 $75（期間限定） 
泰茶白奶凍 $45 
泰茶千層蛋糕 $65  
泰茶梳乎厘班戟 $88 
  
ChaTraMue Cafe 
地址：沙田沙田正街18號新城市廣場三期3樓A327號鋪 
@chatramuehkofficial
  
主持：Yvonne Lam、Sharon Chan 
撰文：Yvonne Lam 
攝影：Peter Li、Fong Ka Him 
剪接：Fong Ka Him 
美術：Anita Lam 
  
TalkFood 先填飽肚子再前進 
KZfaq : / talkfood 
Facebook : / talkfood 
Instagram : / talkfood
 
 
  
#ChaTraMueCafe #沙田 #沙田好去處 #沙田美食 #ChaTraMue #泰式牛肉湯河粉 #泰式青咖喱海鮮金邊粉 #泰式海鮮粉絲沙律 #泰茶巴斯克芝士蛋糕 #泰茶白奶凍 #泰茶千層蛋糕 #泰茶梳乎厘班戟 #道風山 #恐龍公園 #巨大十字架 #十字架 #街坊小店 #食晏 #外賣 #下午茶 #18區搵食 #TalkFood #TalkFood沙田