中肯評價(強記小食):好食係好好食,但態度臭到一個點,對比起出名臭串的澳牛真係有過之而無不及的程度。客觀來講,啲唔辣沙嗲醬係出色的,魚肉燒賣都食到魚肉,好煙靭同埋入味,我都承認係我食過以嚟最好食嘅燒賣之一,但係似係俾錢買人鬧多啲🤣🤣🤣(覺得自己好犯賤)。太嬲就食完先醒起想寫食評,咁就冇影相,真係生平冇試過,even 一次都冇試過寫食評,仲要第一次就係負評,但係睇到呢篇嘢嘅人我諗如果但凡係有返少許骨氣的人都寧願食另外一間,做乜要俾錢俾啲咁串好似唔憂做的店員賺錢🙏(雖然我知呢間好出名)。是咁的,我一行過去,咁佢咩都冇問就直接俾淋過豉油嘅燒賣俾我,而佢係有好幾款唔同嘅醬,正常都應該問吓人哋要邊款醬,咁冇所謂我應該都細心啲,叫佢俾多串俾我好似嘥咗一串燒賣,咁我就諗住補返錢俾佢,但佢好似係有心想鬧我(純粹係為咗面子同埋心情舒暢啲就當我係氣球咁樣發洩落我度🤣又或者唔知係咪因為我有打扮下,對方又長期喺惡劣環境下工作就有啲睇我唔順眼,下咁女仔都貪靚㗎嘛,咁就 Label 咗我係有錢,咁兩者之間有咩關係?咩道理來的🙏),又唔收但又專登鬧我哈哈哈,勁惡咁樣好似僱主鬧員工,訓示我話早講啊嘛,仲話而家係教緊我點樣講嘢⋯⋯下?而家我係你請返嚟收咗你人工嘅?嗰下差在我唔係着住圍裙喺入面做嘢,佢真係似係我老細,變咗我唔係消費者,似佢係消費者多啲兼我老細鬧我😔 喺香港土生土長都知道某啲服務行業因為辛苦好難擠出笑容,但真係冇Imagine過會態度差到顛覆晒啲身份同關係⋯⋯ 嗰下真係寧願俾多串燒賣嘅錢俾佢,當係買佢嘅態度,但佢要的係面子我唸⋯⋯ 身邊嘅人成日都叫我唔好同啲太熟嘅人太走心,對對方講嘅嘢太上心,但老實講一個三唔識七嘅人講話為我好又點會係為咗我好🤣 佢話為我好咪即係佢太走心,我又唔識你你唔需要同我講呢啲,唔輪到你教我🙏Tbh 佢都係想將快樂建立喺人哋嘅痛苦之上,透過鬧人彰顯自己嘅 level,but I think this is low quality. The quality between food and staff themselves forms a big contrast, it’s totally overrated!(真係火到來🥵不過而家好好多了